أقوى 5 أفلام عربية في 2018
أفلام كتير كانت بتتنافس في الفترة الأخيرة على لقب أقوى فيلم في 2018. علشان كده قررنا نجمع لكم في التقرير ده أقوى 5 أفلام عربية شوفناها في 2018
البدلة
واحد من أقوى الأفلام الكوميدية اللي شوفناها في 2018. ومقتبس عن فيلم أجنبي بيحمل نفس الفكرة. وبيجسد في الفيلم أكرم حسني و تامر حسني دور شابين بيقرروا يتقمصوا دور ضباط شرطة علشان يلاقوا نفسهم بيدخلوا في سلسلة لا تنتهي من المواقف الكوميدية.
الفيلم من إخراج محمد جمال العدل وتأليف أيمن بهجت قمر عن فكرة تامر حسني.
حرب كرموز
المميز في فيلم حرب كرموز مش بس جرعة الأكشن اللي فيه. لكن كمية الأهتمام بالتفاصيل التاريخية والواقعية. وكمان الإنتاج القوي كل دي حاجات تعتبر من عناصر قوة الفيلم. بنشوف أمير كرارة في دور ضابط شرطة مصري بيرفض تسليم متهمين مصريين للسلطات الأنجليزية. الفيلم من تأليف محمد السبكي وإخراج بيتر ميمي.
تراب الماس
من أهم عوامل قوة الفيلم هي اقتباسه عن رواية شهيرة للكاتب أحمد مراد بتحمل نفس الإسم. بننتبع قصة الصيدلي طه الزهار (أسر ياسين) واللي بيحاول ينتقم من اللي قتلوا والده بمساعدة ضابط شرطة فاسد (ماجد الكدواني). الفيلم من اخراج مروان حامد.
عيار ناري
من تأليف هيثم دبور وإخراج كريم الشناوي بنشوف طبيب شرعي (أحمد الفيشاوي) بيحاول يحل لغز وجود جثة مقتولة في وسط الجثث اللي بيتم العثور عليها بعد المصادمات بين المتظاهرين وقوات الأمن في أحداث يناير. ومع تسرب التقرير للصحافة بتتطور الأحداث.
يوم الدين
ولأننا نحب نسيب الأحلى دايما للأخر. في رأينا أن فيلم (يوم الدين) هو الأفضل في 2018 على الإطلاق. الفيلم بيحكي عن رحلة رجل إسمه بشاي مصاب بالجذام (راضي جمال) علشان يتواصل مع أهله من جديد.الفيلم حقق نجاح نقدي وجماهيري كبير ووقع الاختيار عليه علشان يمثل مصر في مهرجان كان 2018 والفيلم من تأليف وإخراج أبو بكر شوقي
