جمال الربيع في الأفلام دي!
على الرغم من أننا بنشجع الجميع يخرجوا ويعيشوا حياتهم وسط الخضرة وفى رحاب الأماكن الطبيعية المفتوحة، لكن لو ظروفكم مش سامحه بده، ممكن تجعلوا جلوسكم في المنزل في اليوم ده فرصة ممتازة علشان تتفرجوا على أفلام كلها مشاهد طبيعية جميلة، وحياة وسط الخُضرة والماء… والوجه الحسن.
كايرو360 بتقدم لكم دليلكم للأفلام اللي كان فيها اهتمام بالمشاهد الطبيعية والأجواء الربيعية المنعشة!
أميرة حبي أنا!
هل ينفع نتكلم عن الربيع بدون ما نتكلم عن الفيلم اللي أعطى لكلمة (الربيع) في عقولنا نغمة مميزة وصوت رائع هو صوت الجميلة الراحلة سعاد حسني وهي بتغني (الدنيا ربيع والجو بديع.. قفل لى على كل المواضيع) وكمان أغنية (الحياة بقي لونها بمبي) واللي بتكمل مع أغنية الدنيا ربيع دويتو الربيع الجميل في حياتنا كلها.
فيلم أميرة حبي أنا هو التجسيد المباشر عند جيل كامل لكلمة الربيع.
Wild Hogs
فيلم كوميدي جميل جدا بيتناول قصة مجموعة من الرجال بيقرروا يرموا كل حاجه وراء ظهورهم، وينطلقوا في رحلة على الطريق السريع الأمريكي. وبتقودهم الحظوظ لمجموعة من المغامرات والمطاردات العجيبة والكوميدية.
لكن الفيلم بيقدم مجموعة كبيرة من المشاهد الطبيعية الخلابة، واللي بتظهر من خلال رحلة مجموعة الأصدقاء في الغابات والمناطق المفتوحة، علشان كده بنرشح الفيلم للمشاهدة العائلية في الربيع.
Mission: Impossible – Ghost Protocol
أما محبي أفلام الأكشن يقدروا يتفرجوا على فيلم Mission: Impossible – Ghost Protocol، واللي بيقدم بالإضافة طبعا لجرعات عالية من الأكشن ومطاردات السيارات، مطاردة لفصل الربيع في أكتر من دولة، بداية بروسيا اللي بتبدأ فيها أحداث الفيلم، ونهاية بالهند، مرورا بمدينة دبي، واللي بنشوف فيها عاصفة ترابية عظيمة بتفكرنا بتقلبات الجو في مصر في بدايات الربيع.
لو بتحب الأكشن، ماتفوتش الجزء (الربيعي) من سلسلة Mission Impossible أبداً!
Little Miss Sunshine
فيلم Little Miss Sunshine مش بس فيلم رائع على مستوى التمثيل أو السيناريو أو الإخراج، لكنه كمان مميز على مستوى المشاهد وزوايا التصوير وحركة الكاميرا.
Little Miss Sunshine بيحي عن أسرة أمريكية متوسطة الحالة الاجتماعية والمادية، وكل فرد فيها بيحاول يوصل لهدفه في الحياة، واللي بتعاندهم جميعا وبترفض محاولاتهم انهم يكونوا أفضل وأقوى تأثيرا.
فيلم Little Miss Sunshine يعتبر فيلم أسرى جميل ينفع تتجمع حواليه كل الاسرة في فترة الربيع علشان يتفرجوا عليه ويستمتعوا.
