عقدة الخواجة: محاولة تقديم فيلم أكشن كوميدي في موسم الأجازة

حسن الرداد قد لا يكون أفضل أو أكثر نجوم جيله موهبة، لكنه واحد من أذكاهم وأكثرهم قدرة على اختيار أفلامه وأدواره اللي بيقوم بيها علشان يضمن شريحة شبه مضمونة من النجاح، بتتزامن مع عرض أفلامه في موسم إجازة نصف السنة.

القصة

عقده الخواجه بتحكي عن شاب بينتمي للطبقة المتوسطة بيتعرف على بنت وبيخوض معاها مجموعة كبيرة من المغامرات، واللي بتتشابك مع رغبته في الأنتقام لوفاة شقيقه واللي بيعتمد عليها الجزء الخاص بالحركة والأكشن في الفيلم.

فريق العمل

الفيلم من بطولة حسن الرداد و هنا الزاهد و محمد لطفي وحسن حسني وماجد المصري وشيرين رضا، ومن تأليف هشام ماجد وشيكو وأخراج بيتر ميمي.

الأداء التمثيلي

حسن الرداد زي ما قولنا فنان موهوب وقادر على تقديم أي شخصية يقرر أنه يقوم بيها، وقدر يقدم توليفة جيدة بين الأكشن والكوميديا من خلال أحداث الفيلم، أما هنا الزاهد فا بنعتقد أن لسه أمامها بعض الوقت والخبرة علشان يكون أدائها التمثيلي أفضل، ولازم نشيد بأداء ماجد المصري واللي قدم دور جميل واستثنائي.

السيناريو والحوار والأخراج

سيناريو الفيلم سريع وغير ممل وده من الأمور اللي تحسب للمخرج، أما الكوميديا في معظم أجزائها جائت متركزة على الحوار اللي كان سلس وفيه ايفيهات كوميدية كويسه وكتيره.

الديكورات والموسيقى والأزياء

على الرغم من قوة الفيلم على صعيد السياريو والحوار لكن الديكورات والموسيقى كانت أضعف حلقاته، وانحاز الفيلم موسيقيا لاغاني المهرجانات والاغاني الشعبية واللي هاتجذب جمهور السينما من المراهقين والشباب.

الخلاصة

عقدة الخواجة فيلم بيحاول يحقق المعادلة والتوازن بين أفلام الأكشن والكوميديا في نفس الوقت. وننصح بمشاهدته لمحبي أفلام حسن الرداد.

علشان تبقى عارف:

اغنية الفيلم (عيدوا رقصتي) حققت حوالي مليون مشاهدة خلال 5 أيام فقط من طرحها على موقع اليوتيوب.