10 أفلام مايفوتكش مشاهدتهم في الهالوين في ٢٠١٨
الهالوين أو “عيد الرعب”. يعتبر واحدة من أفضل المناسبات اللي ممكن يتجمع فيها عدد كبير من الصحاب / القرايب مع بعض. ومع بداية فصل الشتاء واقتراب الليل. بيكون من الممتع جدا تقضية السهرة أمام مجموعة من الأفلام المرعبة واللي تجمد الدم في العروق حرفيا… لكن ياترى هانتفرج على ايه؟
بنقدم لكم مجموعة من الأفلام اللي اختارها لكم محرر كايرو 360 علشان تقضوا سهرة ممتعة ومختلفة ومستحيل تنسوها.
The Haunting of Hill House
من أحدث أعمال الرعب اللي تم طرحها مؤخرا. ولو كنتم مشتركين في خدمة Netflix يبقى ننصحكم بتمضية الليل أمام واحد من أقوى الأفلام اللي بتتناول فكرة المنازل المسكونة والأحداث الغير عادية اللي بتدور فيها.
It
فيلم رعب حقق شهرة عالية جدا واشادة واسعة على مستوى النقاد أو المشاهدين. عن مجموعة من الأطفال بيحاولوا يكتشفوا لغز دفين عايش معاهم. لكن المواقف اللي بيمروا بيها تعتبر قمة في الرعب وحبس الأنفاس.
Annabelle
البنات اللي بتحب تتفرج على التليفزيون وهي حاضنة العروسة بتاعتها. نعتقد أنه بعد مشاهدتهن للفيلم ده هايعيدوا التفكير ألف مرة قبل ما يعملوا كده.. واحد من أكتر الأفلام المرعبة اللي بتلعب على وتر العروسة المسكونة بروح شريرة.
The Conjuring
واحد من أشهر أفلام الرعب في التاريخ. ونجاحه الكبير حوله لسلسلة من الأفلام طيرت النوم من عيون المشاهدين لوقت طويل. وبيصاحب كل جزء جديد دعاية مكثفة ومبتكرة.. مشاهدتكم للفيلم على مسئوليتكم الخاصة : )
Paranormal Activity
واحد من أشهر أفلام الرعب. والسبب الأكبر في شهرته هو أنه من أوائل الأفلام اللي قدمت نظام التصوير من خلال الكاميرا اللي بتشتهر به أفلام رعب كتير دلوقت. بمعنى أننا هانتفرج على أحداث الفيلم من خلال مجموعة كاميرات مراقبة بيثبتها شخص شاكك في بعض الأحداث المريبة اللي بتحصل في منزله.
Hotel Transylvania
لو هاتقضوا الهالوين مع أطفال صغيرة. ممكن نوصل لحل وسط. فيلم أنيميشن مرعب. لكن الرعب بتاعه مش من النوع اللي ممكن يأثر على نفسية الأطفال أو يضايقهم. علشان كده كان لازم (فندق ترانسلفيانيا) يكون على قايمتنا.
The Cabin in the Woods
واحد من أنجح أفلام الرعب في التاريخ. وبيضم مجموعة من أشهر، وأشرس، وأرعب الشخصيات اللي ممكن تشوفوها في حياتكم. لو حابين توصلوا المتعة لأقصى درجاتها ننصحكم بتعلية صوت الساوند سيستم عندكم لأقصى درجة!
The Exorcist
على الرغم من إنه فيلم قديم شوية – انتاج السبعينات- لكنه واحد من أهم وأقوى أيقونات أفلام الرعب في هوليود على مر التاريخ. وواحد من الأفلام اللي أثروا على المشاهدين – وإحنا منهم – لوقت طويل. علشان كده بننصحكم بمشاهدته بحذر شديد وفي غياب الأطفال أو المشاهدين اللي قلبهم ضعيف تماما.
The Omen
على الرغم من الأبعاد السياسية اللي بيناقشها الفيلم. لكن The Omen يعتبر من الأفلام اللي بتقدم فكرة الطفل القاتل أو الطفل الممسوس بشكل رائع جدا ومميز. ننصحكم بمشاهدة الفيلم لو عندكم أخ صغير شاكين في تصرفاته : )
Cape Fear
بعيدا عن الأشباح والأرواح.. فيلم رعب عن مجرم قاتل بيستهدف أسرة المحامي اللي كان بيترافع عنه. المشكلة في الفيلم ده انه منطقي جدا وبيقدم مستويات مختلفة من الرعب كلها هاتخلي ضربات قلبكم تتزايد مع كل مشهد!
