12 Strong: الحروب الأمريكية بعيون هوليود

من الواضح أن عملية 11 سبتمبر الأرهابية اللي تم ضرب أهداف مدنية أمريكية بطيارات أمريكية مدنية لسه صداها بيتردد حتى اليوم على الرغم من مرور سنوات طويلة على العملية، ومن الواضح أن هوليود بتقدم للمشاهدين حوالين العالم نظرتها الخاصة للحروب الأمريكية حوالين العالم وفيلم 12 Strong يعتبر من المحاولات دي. تعالوا نتعرف أكتر عليه

 القصة

الفيلم بيحكي عن أحداث 11 سبتمبر الأرهابية واللي بيسافر بعدها مجموعة من أفراد القوات الخاصة الأمريكية الى أفغانستان، في مهمة بتجعلهم مضطرين للتعاون مع أحد القبائل الأفغانية للتخلص من قوات حركة طالبان اللي بتنفذ عمليات ضد الأمريكان في أفغانستان.

فريق العمل

الفيلم من اخراج  نيكولاي فاجلسيج ومن تأليف  بيتر كريج ومن بطولة  كريس هيمسورث و إيلسا باتاكي و تايلور شرايديان و مايكل شانون و أوستن ستويل و مايكل بينا

الأداء التمثيلي

نقدر نقسم الفيلم من حيث الأداء التمثيلي لقسمين، الجزء الأول في الربع الأول تقريبا من الأحداث وبنشوف فيه الخلفيات الأجتماعية والثقافية لأبطال الفيلم ثم الأداء التمثيلي في الجزء الثاني من الأحداث واللي كان التركيز فيه على الأكشن والحركة أكتر من الأداء التراجيدي والدرامي للأحداث.

السيناريو والحوار والأخراج

سيناريو الفيلم كان ماشي بسرعة متوسطة من البداية للنهاية، لكن شعرنا ببعض السرعة في نسق الأحداث خاصة في الجزء الأخير من الأحداث مع وصول الأكشن لذروته ونقدر نقول أن الأخراج كان قادر يقدم لنا في كل مشهد اللي يستحقه سواء من ناحية الأداء التمثيلي أو اخراج مشاهد الحركة.

الديكورات والموسيقى والأزياء

ديكورات الفيلم قدرت تنقلنا لأفغانستان ببراعة وقوة، وقدمت لنا ظروف الحرب الأمريكية هناك زي ما تابعناها في وقتها، كمان اخراج مشاهد الأكشن والتفجيرات كان قوي ومميز وكان ظاهر فيه براعة المخرج في توجيه الممثلين وقدرتهم على الاستجابة له. كمان الموسيقى التصويرية لعبت دورها في الأحداث وقدمت لنا بيئة جيدة جدا للمشاهدة والقدرة على متابعة الأحداث.

الخلاصة

فيلم 12 Strong فيلم أكشن حربي وهايحبه كل اللي بيحب يتفرج على أفلام الحروب والمعارك خاصة المعارك الأمريكية.

علشان تبقى عارف:

تقييم الفيلم على IMDB هو 7 من 10