Smurfs :The Lost Village : مغامرة جديدة للسنافر الحبوبة
السنافر مش مجرد سلسلة من أفلام الأنيميشن، أو حتى الأفلام الحقيقية، أو حتى القصص المصورة والروايات. السنافر هي قصة فكرة متميزة قدرت تتطور وتتجسد في أكتر من عمل فني وروائي وقصصي، بشكل يناسب الأطفال والكبار على حد سواء، ويقدم أجيال بعد أجيال عندها انتماء وحب وحفظ لشخصيات السنافر، بشكل متناهي في الإخلاص والدقة في إنتاج فن محترم وهادف وكوميدي ومسلي في نفس الوقت! وفيلم Smurfs :The Lost Village مجرد حلقة في سلسلة من سلاسل تميز الأعمال الفنية اللي ناقشت حياة السنافر.
قصة الفيلم
فيلم Smurfs بيبدأ بمشاهد افتتاحية بتعرفنا بمجموعة السنافر، والاختلاف في الشخصيات بين كل سنفور من السنافر. مثلا بنشوف السنفور الأخرق، والسنفور المفكر، والسنفور الغاضب والسنفور المغرور.. الخ، ثم بنتعرف على كبير السنافر اللي بيعرفنا بدوره على السنفورة الأنثى الوحيدة في قرية السنافر، وهى مش بس السنفورة الأنثى الوحيدة، هي كمان السنفورة الوحيدة الغير معروف صفة محددة لها. ومن هنا بتبدأ أحداث الفيلم، لما بيحاول أحد السنافر يعمل تجربة على السنفورة علشان يعرف طبيعتها بالظبط.
ثم بياخدنا الفيلم لحالة مستمرة من المغامرات ضد الساحر الشرير، اللي بيحاول يسيطر على السنافر علشان يستغل طاقتهم ويبقى أقوى ساحر في العالم!
فريق العمل
الفيلم من اخراج كيلي اسبوري ومن تأليف باميلا ريبون، أما الأداء الصوتي فكان من نصيب راين ويلسون و داني بودي و جو مانجانيلو و ديمي لوفاتو
الإخراج والمؤثرات
إخراج الفيلم اعتمد على تقديم سلسلة لا تنقطع من المفاجأت الغير منقطعة، من أول مشهد لأخر مشهد.. والتنوع في المفاجأت ده مش موضوع سهل زي ما ناس كتير بتتخيل، على العكس بيحتاج تضافر بين السيناريو والإخراج والمونتاج، بالإضافة للمؤثرات الخاصة والقدرات على التحريك وغيرها من عناصر بناء أفلام الأنيميشن.
السيناريو والأداء الصوتي
زى ما قولنا السيناريو الخاص بالفيلم كان قوي جدا ومترابط، وقائم على فكرة أن كل مشهد بيسلمنا كمشاهدين –سواء الكبار أو الصغار- للمشهد التالي بسهولة ويسر وسرعة.
الموسيقى والتحريك
الموسيقى التصويرية كانت من عيوب الفيلم، وحسينا أنها غير مميزة، أو بمعني أصح مش بنفس قوة الفيلم والسيناريو والإخراج الخاصين به، لكن تحريك الشخصيات على الشاشة كان بيمتاز بالقوة والانسيابية، وكان واحد من أقوى عناصر الفيلم.
الخلاصة
فيلم Smurfs فيلم أنيميشن متميز، معتمد على حياة السنافر الغنية بالتفاصيل، والمميز في الفيلم أنه صالح للمشاهدة من الكبار والصغار على حد سواء.
علشان تبقى عارف:
