Snatched: كوميديا بلا توقف

على الرغم من انتشار الأفلام الكوميدية بشكل كبير مؤخراً، لكن نادراً لما نقدر نقول أننا أمام فيلم قوي ومميز فعلا على الصعيد الكوميدي. لكن snatched قدر يكسر القاعدة ويقدم لنا كوميديا مميزة وتستحق المشاهدة.

القصة

Snatched بيحكي عن امرأة بتعيش حياة عاطفية ضعيفة ومفككة، خاصة لما بيهجرها حبيبها وبيتركها وحدها. علشان كده بتضطر تذهب لرحلة للإكوادور مع والدتها، لكن الرحلة اللي كان المفترض تكون من أفضل رحلات حياتها بتتحول لكابوس لما بتتعرض للخطف، مع سلسلة لا تنتهي من المواقف الكوميدية من أول مشهد لأخر مشهد.

فريق العمل

الفيلم من اخراج جوناثان ليفين ومن تأليف  كاتي ديبولد ومن بطولة  جولدي هاون و إيمي شومر  و كريستوفر ميلوني و كولين كوين.

الأداء التمثيلي

الأداء التمثيلي لكل أبطال الفيلم كانت أكتر من رائعة، لكن طبعا بطلة الفيلم الأولى والأخيرة هي ايمي شومر. وكان أدائها التمثيلي متميز فعلا لأنها لم تعتمد على جسدها مثلا علشان تقدم مشاهد كوميدية، لكنها قدرت تقدم خليط من المواقف الكوميدية مع الحوار المتميز علشان تقدم لنا في النهاية كوميديا تليق بالمشاهدة.

السيناريو والحوار والأخراج

سيناريو الفيلم اعتمد على توزيع الكوميديا بالتساوي على كل مشاهد الفيلم من البداية للنهاية. علشان كده لم نشعر بالملل أبدا، وتنوعت الكوميديا ما بين كوميديا معتمدة على المواقف، أو المعتمدة على الحوار اللي اتكتب بذكاء رائع، لكن يعيبه بعض التلميحات الجنسية اللي كانت غير موظفة بشكل جيد.

الديكورات والموسيقى والأزياء

الموسيقى والأزياء لم يكن لها دور كبير في أحداث الفيلم، لكن اختيار أماكن التصوير والمشاهد بين عناصر الطبيعة خاصة في النصف الأول من الأحداث كان له عامل كبير على حبنا للفيلم واستمتاعنا بمشاهدة المختلفة.

الخلاصة

فيلم snatched تجربة كوميدية مميزة وجميلة وتستحق المشاهدة في السينما

علشان تبقى عارف:

تقييم الفيلم 3.9 من 10 على موقع IMDB من أصل تصويت 13000 مستخدم للموقع.