The Jungle Bunch: انيميشن للكبار والصغار

قليلة هي أفلام الأنيميشن اللي بنشعر مع أحداثها أنها مناسبة للكبار والصغار، وأن الرسالة أو القيمة اللي بتقدمها مش بس موجهة للصغار لكن للكبار كمان، وده من أكتر الحاجات اللي عجبتنا في The Jungle Bunch واللي هانتكلم عنه بالتفصيل.

القصة

The Jungle Bunch بيحكي عن النمر موريس، واللي بيحاول يثبت نفسه وقدراته من خلال المحافظة على النظام والعدالة في الغابة ضد (ايجور) اللي عنده مخطط شرير بيحاول ينفذه ضد الغابة من خلال الاستعانة بمجموعة من قرود البابون.

فريق العمل

The Jungle Bunch من تأليف وأخراج  ديفيد ألوكس وقام بالأداء الصوتي للشخصيات  بول بورن و فيليب  بوزو و باسكال  كازانوفا و إيمانويل  كورتيل و ميشيل  ميلا و سيلين مونتسارات

الأداء الصوتي

من أجمل الأمور اللي عجبتنا في الفيلم قدرة كل بطل من لأبطال على تقمص الشخصية اللي بيقوم بالأداء الصوتي لها، وعلى الرغم من أن الموضوع ده ممكن يعدي على كتير من المشاهدين بدون انتباه، لكن في الحقيقة من أصعب الأمور هي قدرة الممثل على توصيل مشاعرة واحساسه فقط باستخدام صوته.

السيناريو والحوار والأخراج

سيناريو الفيلم كان جميل وسريع، وأجبرنا على المشاهدة من البداية للنهاية، لكن الفيلم لم يحمل أي مفاجئات على صعيد الحبكة أو السيناريو وده اللي خلى بعض المشاهدين يشعروا ببعض الملل، حوار الفيلم كان كوميدي وجميل وإخراج الفيلم بشكل عام كان جيد.

الموسيقى والتحريك والجرافيك

تحريك الشخصيات على الشاشة كان سلس وسهل، كمان الألوان وتنوعها جعلنا نشعر أننا بنشاهد كرنفال من الألوان والمشاهد الطبيعية وزوايا التصوير وطريقة تناولها على الشاشة كانت من الأمور اللي زادت من أعجابنا بالفيلم.

الخلاصة

The Jungle Bunch فيلم أنيميشن مسلي للكبار والصغار على حد سواء، وننصح بمشاهدته في الويك أند

علشان تبقى عارف:

تقييم الفيلم على IMDB 5 من 10