رحلة يوسف: محاولة غير موفقة لعمل فيلم مغامرات
محاولات سينمائية كتير بتحاول تقدم للمشاهد خلطة مابين الكوميديا والاستعراض والأكشن، لكن للأسف كتير برضو من المحاولات دي بيكون نتيجتها في النهاية الفشل نتيجة عوامل كتير. تعالوا نتعرف أكتر على رحلة يوسف وليه بنقول أن الفيلم غير موفق؟
القصة
رحلة يوسف بيحكي عن مخطوطة مصرية نادرة بتتم سرقتها، وكمية من المغامرات اللي بتحصل نتيجة سرقة المخطوطة ومحاولة الحصول عليها، بالأضافة لمجموعة من التعقيدات في العلاقات بين الأشخاص داخل أحداث الفيلم بينتج عنها تعقيدات أكبر.
فريق العمل
الفيلم من أخراج أندي إسحاق ومن تأليف جوزيف فوزي ومن بطولة محمد نجاتي و عاطف عبد اللطيف و ريم هلال وسامي مغاوري
الأداء التمثيلي
للأسف وعلى الرغم من مشاركة بعض الأسماء القوية في بطولة الفيلم لكن الأداء التمثيلي جاء ضعيف جدا ومتراجع من كل الأبطال المشاركين في العمل. وكان من الواضح أن الفيلم تم أخراجه في ظروف غير ملائمة الأمر اللي أثر على الأداء التمثيلي للأبطال بلا استثناء.
السيناريو والحوار والأخراج
على الرقم من استناد الفيلم على قصة مغامراتية قوية، إلا أن تنفيذ القصة على الشاشة كان ضعيف جدا ومستهلك، والسبب في المقام الأول كان الأداء التمثيلي اللي كان التركيز الأساسي فيه على القفشات والضحكات أو حتى محاولة حشر أغاني في السياق الدرامي للأحداث بدون أي سبب مقنع، وكل ده في النهاية أثر على مستوى الفيلم.
الديكورات والموسيقى والأزياء
ديكورات الفيلم والموسيقى الخاصة به كانت ضعيفة جدا، وكان من الواضح أن المجهود المبذول فيها لا يرقى أنه يكون مجهود محترفين، والحقيقة حسينا أن جانب كبير من الفيلم كان ضعيف ومحتاج مجهود أكثر واهتمام انتاجي أكبر.
الخلاصة
فيلم رحلة يوسف حاول يقدم المغامرة والأكشن مع الكوميديا والاستعراضات. لكنه في النهاية فشل في تقديم أي شيء!
علشان تبقى عارف:
محمد نجاتي بطل الفيلم قدم قبل كده مشاركات في اعمال زي مسلسل الدولي والجزء الثاني من مسلسل الأب الروحي وفيلم الفندق وكارت ميموري.
