Land of Smiles: الرعب في تايلاند!

كتير من أفلام الرعب اللي بنشوفها كان ممكن تكون أفضل وأقوى لو بس قرر القائمين عليها يتبعوا أسلوب جديد ومختلف في تناول قصص وأفكار أفلامهم، بدلا من اللجوء للأفكار التقليدية وأساليب الأخراج العادية واللي لم تصبح جذابة من وجهة نظر قطاع كبير من الجمهور. تعالوا نعرف أكتر عن Land of Smiles

القصة

Land of Smiles بيحكي عن شابة بتحاول تتقصى أخبار صديقها المختفي في تايلاند، الأمر اللي بيدفعها للخوض في مغامرة محفوفة بالمخاطر بتاخدنا معاها من رعب لرعب بجرعة أكبر وبشكل لا يتوقف على مدار أحداث الفيلم اللي بتقترب من ساعتين.

فريق العمل

الفيلم من تأليف وإخراج برادلي سترايكر ومن بطولة الكسندرا تورشين و كينان هينسون و كيتلين سترايكر و آيمي بارسكي

الأداء التمثيلي

على الرغم من ضعف كتير من عوامل صناعة الفيلم، إلا أن الأداء التمثيلي لبطلته الكسندرا تورشين كان قوي ومتماسك، لكن بالنسبة لنا لا تعتبر بطولة فيلم رعب الاختبار الصحيح والمثالي للممثلين، لأنه من السهل الثبات على انفعال واحد – هو الرعب – على مدار زمن أحداث الفيلم. لكن بشكل عام الأداء التمثيلي كان من عوامل قوة الفيلم على العكس من حاجات تانيه هانناقشها في الفقرة القادمة.

السيناريو والحوار والأخراج

على الرغم من أن القصة كان ممكن يخرج منها ما هو أفضل من اللي شوفناه على الشاشة، لكن من الواضح أن سيناريو الفيلم كان بيعاني من الاستسهال والرغبة الدائمة في تقديم فيلم رعب نمطي بدون أي محاولة للتجديد، ودي كانت واحدة من أكتر الحاجات اللي ضايقتنا في الفيلم وجعلتنا نشعر أن المخرج بيحاول يقدم لنا مجموعة من مشاهد الرعب النمطي واللي بيربطها رابط درامي نمطي ومكرر هو كمان.

الديكورات والموسيقى والأزياء

اعتمد الفيلم بشكل كبير على التصوير في المناطق الطبيعية والسياحية في تايلاند ويعتبر قدم صورة جميلة وجذابة خاصة في المشاهد الأولى من الفيلم قبل بداية الأحداث المرعبة في السيطرة على خط سير الأحداث.

الخلاصة

فيلم Land of Smiles هايعجب محبي أفلام الرعب حتى لو كانت تقليدية في فكرتها وطريقة تنفيذها

علشان تبقى عارف:

تقييم الفيلم على موقع IMDB 4.9 من 10