I, Tonya: قصة نجاح وكفاح في عالم التزحلق على الجليد

لو عندك حلم أو هدف في الحياة وحاسس أن فيه حاجات كتيره واقفه بينك وبين حلمك، ندعوك تفكر تاني من حياتك وانت بتتفرج على I, Tonya علشان تعرف أد ايه الناس بتحارب علشان أحلامها وطموحاتها.

القصة

I, Tonya بيحكي عن القصة الحقيقية للمتزلجة على الجليد تونيا هاردينج، وازاي بتقترب من تحقيق أحلامها في العالم ده، لكن بعض الأحداث والتدخلات بتحاول طوال الوقت تمنعها وتعرقل تقدمها. هل هاتستسلم لقدرها المحتوم ولا هاتتمسك بالنجاح حتى النهاية.

فريق العمل

الفيلم من أخراج  كريج جيليسبي وتأليف  ستيفن روجرز وبطولة  مارجوت روبي و سيباستيان ستان و مكينا جرايس و أليسون جاني

الأداء التمثيلي

كان من الواضح من أول مشهد لأخر مشهد المجهود الكبير اللي بذلته مارجوت روبي علشان تظهر لنا بالكفاءة والقدرة دي، مش بس في أداء المشاهد الصعبة لكن كمان علشان توصل لنا مشاعرها واحساسها طوال الوقت، والحقيقة أن روبي نجحت ونعتقد أن النجاح ده هايرفع أسهمها في هوليود بشكل كبير ومميز.

السيناريو والحوار والأخراج

سيناريو الفيلم جذاب وغير ممل وقدر ينقلنا من مشهد للتاني بسرعة وتشويق بحيث يفضل المشاهد متابع من البداية للنهاية، كمان الحوار الذكي والكوميدي في بعض جوانبه كان شيق وجميل وفيه تجديد بدون محاولة للأفتعال.

الديكورات والموسيقى والأزياء

ديكورات الفيلم كانت جيدة وقدرت تنقلنا زمنيا لوقت أحداث الفيلم، كمان الموسيقى التصويرية كانت قوية وحسينا أنها عنصر من أهم العناصر المساعدة لأحداث الفيلم علشان تزيد متعتنا وشغفنا بالأحداث.

الخلاصة

فيلم I, Tonya من الأفلام الجميلة اللي هاتعطيكم دفعة للحياة والأمل والكفاح على الرغم من المصاعب والمشاكل.

علشان تبقى عارف:

مارجوت روبي بطلة الفيلم بذلت مجهود مضاعف علشان تتعلم أساسيات التزحلق على الجليد علشان تعرف تقوم بدورها.