Mission of Honor : مش بنزهق من الأفلام عن الحرب العالمية
على الرغم من أن أفلام كتير بتناقش فترة الحرب العالمية الثانية لكن مش بنزهق أبداً من القصص – خاصة المبنية على قصص حقيقية- اللي بتحكي عن البطولات اللي حصلت في الفترة دي.
Mission of Honor بيحكي عن كينت (قام بالدور روبرت بورتال) الملازم في الطيران الكندي، واللي خدم ضمن القوات الجوية البريطانية في فترة الحرب العالمية الثانية. وبنشوف خلال الفيلم البطولات القيمة اللي قام بها هو وكامل سلاح الجو في سبيل وقف الزحف النازي.
الأداء التمثيلي لكل أبطال الفيلم (وخاصة روبرت بورتال) كان جيد جدا. وكان واضح اهتمام المخرج ديفد بلير بالشغل على الجانب التمثيلي علشان يقدم فيلم قوي ومتميز.
في نفس الوقت بيعيب الفيلم بعض الشعور بالملل خاصة في النصف الأول من الأحداث لكن بمجرد الاندماج في الأحداث بنبدأ نكون جزء من الأحداث ونعيش معاها بشكل جيد.
كمان عجبنا المؤثرات الخاصة اللي نقلتنا لجو الحرب العالمية خاصة مشاهد الصراع الجوي والمطاردات بين الطيارات واللي أخراجها كان جيد وفيه جهد مبذول
Mission of Honor مش أحسن فيلم عن الحرب العالمية الثانية لكنه فيلم جيد ويستحق المشاهدة.
