A Vigilante : خافوا من انتقام الجنس الناعم!
على الرغم من أن اللقب اللي بيطلق عليهم هو (الجنس الناعم)، إلا أن أنتقامهم ساعات بيكون أشرس من أي انتقام تاني. هو ده اللي بيحكي عنه فيلم A Vigilante
A Vigilante بيحكي عن أوليفيا وايلد أو (سادي) واللي بتقرر تساعد مجموعة من السيدات علشان ينتقموا من المعتدين المحليين عليهم. لكن للأسف الأنتقام مش دايما طريق بإتجاه واحد. وخطر الإنتقام المضاد موجود دايما.
أوليفيا وايلد قدمت أداء تمثيلي أكتر من رائع. وواضح كمان المجهود الجسدي اللي قامت به علشان تكون في الفورمة المناسبة للفيلم. كمان واضح مجهود المخرجة سارة داجار-نيكسون في إخراج الفيلم على الرغم من أن الفيلم هو تجربتها الطويلة الأولى بعد فيلمين قصيرين فقط.
من الأمور اللي أخدناها على الفيلم هي قلة الميزانية اللي عانى منها الفيلم في كل تفاصيله. خاصة الديكورات وأدوات التصوير. ولو كان الفيلم له ميزانية أكبر كان ممكن يكون أكثر ابهارا.
لكن من ناحية تانيه لازم نقول أن نقص الميزانية ما منعناش من الاستماع بالفيلم. على الرغم من أننا شوفنا تنويعات كتير على فكرة انتقام الأنثى. لكن A Vigilante قدر يقدم نسخة جيدة مقارنة بالميزانية اللي بيتحرك فيها.
