Bernie the Dolphin 2 : مغامرة جديدة في عالم الدلافين

من بين تيمات الأفلام القادرة على تحقيق النجاح بدون مجهود هي الأفلام الأسرية اللي فيها رسالة وفي نفس الوقت مغامرة وتشويق. لكن فيلم Bernie the Dolphin 2 بيدخل عنصر أقوى للمعادلة مضمونة النجاح: دولفين!

فيلم Bernie the Dolphin 2 هو استمرار ناجح للجزء الأول من نفس السلسلة. وفيه بنشوف الدولفين بيرني اللي بيعود مرة أخرى. لكن مع عودته بيرجع الشرير ونستون ميلز (قام بالدور كيفن سوربو) فا ياترى ايه اللي هايحصل؟

الجميل في Bernie the Dolphin 2 انه قدر يستغل اللي وصل له الجزء الأول ويبني عليه علشان يحقق نجاح الجزء الثاني. لكن بننصحكم بمشاهدة الجزء الأول قبل ما تشوفوا الثاني علشان مزيد من المتعة. لكن لو ما عملتوش كده هاتقدروا تفهموا أحداث الجزء ده  بشكل عادي.

الأداء التمثيلي لبوب ريان و تومي روز و لولا سلطان وكيفن سوربو وباقي أبطال الفيلم كان رائع. لكن الاحلى من الأداء التمثيلي – والأهم – كان تطويع مشاهد الدولفين بشكل جيد وممتع للكبار والصغار على حد سواء.

كمان تطويع الموسيقى التصويرية والاغاني في الفيلم كان جيد وكمل متعتنا. وبشكل عام الفيلم أمن تماما لمشاهدة الأطفال من أي سن. ونقدر نقول أن كل الأطفال هايشعروا بمتعة مع مشاهدة الفيلم.

Bernie the Dolphin 2 فيلم خفيف وظريف. نقدر نقول أنه مثالي لمحبي الحيوانات الأليفة. أو اللي عنده أطفال عاوزين يتفرجوا على مغامرة ظريفة ومثيرة في نفس الوقت.