Dolittle : مناسب للصغار.. ممل للكبار
بعض الأفلام بتعرف توجه محتواها للكبار فقط. وبعض الأفلام بتكون للصغار فقط. أما أحلى الأفلام هي المناسبة للكبار والصغار على حد سواء. فيلم Dolittle للأسف ماقدرش يكون مناسب للكبار.
Dolittle بيحكي عن الدكتور جون دولتيل اللي قام بدوره روبرت داوني جونيور واللي عنده قدرة غير عادية على الكلام مع الحيوانات. وكمية المواقف اللي بتحصل نتيجة القدرة دي.
من الواضح أن روبرت داوني جونيور أفتكر أنه ممثل لا يمكن توجيهه أو التعديل عليه! بعد سلسلة من النجاحات اللي حققها في سلسلة Iron Man الشهيرة. علشان كده لاحظنا أن أداؤه التمثيلي (كسول) ومش في الفورمه إطلاقاً.
أما سيناريو الفيلم فكان جيد جدا، لكن زي ما قولنا الفيلم مش هايكون مسلي غير للأطفال بس. أما الكبار هايحسوا أن الفيلم نسخة باهتة وضعيفة من الأعمال التانيه المقتبسة عن نفس القصة.
الفيلم فيه قدر كبير من الإبهار على مستوى المؤثرات الخاصة والخدع البصرية. وده يعتبر من نقط قوة الفيلم. لكن للأسف نقدر نعتبر السيناريو والإخراج هم العمود الفقاري لأي فيلم. والخدع السينمائية مجرد عنصر مساعد. مهما كان رائع مايقدرش يشيل فيلم لوحده.
لو هاتشوفوا فيلم Dolittle ممكن تستعملوه كوسيلة أمنة وهادية علشان الأطفال يتفرجوا عليه. بينما الكبار بيعملوا شوبنج أو أي حاجه تانيه مفيدة غير مشاركتهم في المشاهدة.
