مدمن سينما؟ اعرف السينمات اللي لسه شغاله في رمضان
مع بداية شهر رمضان الكريم، بتسحب دور السينما أفلامها من القاعات، وتسيب الساحة لنوع تاني من الشاشات علشان ياخد فرصته في عرض محتواه. الكلام هنا عن شاشة التليفزيون اللي بتعرض مجموعة ضخمة من المسلسلات والبرامج بتاخد وقت المشاهدين واهتمامهم على مدار شهر كامل.
بس احنا عارفين أن فيه مدمنين سينما. الناس اللي مش بتلاقي (كيفها) غير في الشاشة العملاقة، وظلام قاعة العرض، الناس دي تاخد جرعتها ازاي خلال شهر رمضان؟
علشان كده عملنا لكم بحث عن السينمات اللي شغاله في القاهرة في شهر رمضان. من خلال مواعيد العرض حسب السينما دوت كوم والصفحات الرسمية لقاعات السينما. ودي كانت النتيجة:
سينما بوينت ٩٠
شغاله عروض الساعة ٢:٣٠ و ١٠ مساء يوميا
سينما ايماكس بلازا
شغاله عرض واحد الساعة ١٠ مساء يوميا
سينما بلازا (امريكانا بلازا)
شغاله عرض واحد الساعة ١٠ مساء يوميا
سينما الزمالك
شغاله حفلات ١١ و ١:١٥ و ٩:٣٠ مساء و ١٢ ليلا يوميا
سينما أركان
شغاله عرض واحد الساعة ١٠ مساء يوميا
سينما صن سيتي
شغاله حفلات ١٠:٤٥ و ١:٤٥ و ٩:١٥ مساء يوميا
سينما زاوية
شغاله حفلات ٨:٣٠ و ١١:٣٠ مساء
Sea Cinema Arabella
شغاله بداية من يوم ٢٦ مارس
طبعا مواعيد العروض النهائية عرضة للتغيير في اللحظة الأخيرة من إدارة السينمات حسب عدد الحاضرين أو أي تغيرات تانيه في ظروف التشغيل. علشان كده لازم نلفت نظركم أن ممكن تتصلوا هاتفيا بالسينما قبل ما تروحوا علشان تضمنوا أن الأفلام فعلا شغاله
