A Family Man: العيلة ولا الطموح؟!

من أجمل الصفات اللي ممكن يتحلى بيها إنسان هي تحليه بالطموح والرغبة في بناء نفسه والصعود لأعلى المستويات في شغله. لكن في سبيل تحقيق الهدف ده. حاجات كتيره ممكن يدوس عليها الإنسان في الرحلة دي. ومن أهم الحاجات دي العائلة والأهل. وده اللي بيناقشه فيلم A Family Man.

قصة فيلم A Family Man

فيلم A Family Man بيحكي عن رجل طموح بيدخل مجموعة من الصراعات علشان يوصل لأعلى المناصب والمراكز في الشركة اللي بيشتغل فيها. لكن تمن الوصول لأحلامه مش بيكون بالبساطة دي. لأنه بيجد نفسه فجأة مضطر يهمل أهله ويقلل من وقت وجوده معهم. هل الثمن ده يتوازى في النهاية مع الطموح اللي عاوز يوصل له؟ ده اللي ها نعرفه من خلال أحداث الفيلم اللي مش عاوزين نحرقها عليكم أكتر من كده.

فريق عمل A Family Man

الفيلم من إخراج مارك ويليامز، ومن تأليف بيل دوبوكيو أما أبطال الفيلم فهم أليسون بري و جيرارد باتلر و غريتشن مول و وليام دافو و كاثلين مونرو

السيناريو والحوار والإخراج

سيناريو الفيلم كان قوي ومترابط، وكان من الواضح التميز الإخراجي للفيلم، ومحاولة الفيلم تقديم سيناريو قوي وحوار مميز كان يدل طوال الوقت على قوة الأسلوب الإخراجي، لكن للأسف حسينا إن حوار الفيلم كان مش بالقوة اللي كنا متوقعينها منه، وكان من الأفضل إن الحوار يتم الشغل عليه بشكل أحسن من اللي شوفناه من خلال أحداث الفيلم.

الموسيقى والديكور

ديكورات الفيلم كانت قوية ومميزة، أما الموسيقيى فكانت محتاجة تكون أفضل وأكثر تناسباً مع سيناريو الفيلم وتتابع أحداثه. وعند مرحلة معينة حسينا أن الموسيقى في وادي وسيناريو الفيلم في وادي تاني خالص. ودي من النقط اللي بنعيبها على الفيلم.

الخلاصة

فيلم A family man فيلم بيناقش الأسرة وأهميتها وضرورة إن الانسان يوازن بين شغله وطموحه وبين أهله وأسرته وبيته

علشان تبقى عارف: الفيلم يعتبر أول تعاون بين (جيرارد باتلر) و(ويليام دافو).