Above Suspicion : مستعد تعمل ايه علشان تنجح في شغلك؟!
ساعات كتير الرغبة في النجاح في الشغل وتحقيق نتائج قوية فيه ياخدنا لمناطق مانتوقعش أننا ممكن نوصل لها. ولما يكون الشغل ده له علاقه بعمل الـ FBI وجهات التحقيق وعمل الشرطة. النتيجة أحيانا ممكن تكون كارثية.
Above Suspicion بيحكي عن علاقة بين عميل FBI وبين واحدة من واحدة من السكان في المدينة اللي أنتقل اليها. العلاقة اللي بتاخد الطرفين لمستويات مختلفة وكارثية على صعيد حياتهم الشخصية والعملية على حد سواء.
مخرج الفيلم فيليب نويس من المخرجين اللي بيعرفوا يتعاملوا باحترافية مع الأفلام اللي بيخرجوها مهما كانت ميزانيتها. وبالتعاون مع المؤلف كريس جيرولمو قدروا يصنعوا فيلم متميز على صعيد الدراما اللي خلطت بين الأكشن والجريمة والغموض مع بعض الرومانسية. وهو خليط صعب لكن قدر المسئولين على الفيلم يقوموا بيها.
ايميليا كلارك بطلة الفيلم بدأت تخرج من عباءة مسلسل Game Of Thrones اللي أطلق شهرتها بشكل غير متوقع بالتزامن مع عرض المسلسل. ولو كان المسلسل وشهرته كانوا سبب في شهرتها في البداية. فا تحقيقها للنجاح والشهرة دلوقت هايكون مقرون بموهبتها وقدرتها على ادارتها.
على الرغم من أن الموسيقى التصويرية تم توظيفها بشكل جيد في الفيلم لكن مستواها بشكل عام كان أقل من توقعاتنا. وكنا نتوقع الموسيقى تكون أكثر قدرة على (قيادة الأحداث) وتوجيهها مش مجرد هامش بسيط على جانب الأحداث.
Above Suspicion فيلم جيد وقادر يوظف ميزانيته المحدودة نسبيا علشان يقدم في النهاية نتيجة قوية ومميزة.س
