All the Money in the World: فيلم مميز مقتبس عن قصة حقيقية

بعض الأفلام المقتبسة عن قصص حقيقية بتكون قصصها أغرب من الخيال فعلا، لكن قصة All the Money in the Worldفعلا غريبة وتستحق المشاهده. تعالوا نتعرف أكتر على الفيلم.

 القصة

All the Money in the World بيحكي عن مجموعة من المختطفين بيقدروا يختطفوا حفيد أغنى رجل في العالم تقريبا، لكنه بيرفض دفع الفدية، الأمر اللي بيدفع والدته لمحاولة اقناع المليونير عديم الرحمة بدفع الفدية بأي شكل.

فريق العمل

الفيلم من تأليف  ديفيد سكاربا وإخراج ريدلي سكوت وبطولة  مارك ويلبرج و كريستوفر بلامر و ميشيل ويليامز و تيموثي هوتون و تشارلي بلمر

الأداء التمثيلي

الأداء التمثيلي لأبطال الفيلم كان أكتر من رائع، خاصة مارك ويلبرج واللي بيثبت يوم بعد يوم انه يقدر يقوم بأي دور يسند له، سواء كان دور أكشن أو جاسوسية أو حتى كوميديا. والحقيقة أن المتابع لأعماله الأخيره هايعرف ده كويس.

السيناريو والحوار والأخراج

سيناريو الفيلم محتاج كتير من التركيز علشان يشعر المشاهدين بالمتعة، والأخراج بذل قصارى جهده لتوضيح الأحداث وقصة الفيلم، وأداة الأخراج في ده كانت توظيف الحوار لصالح خدمة القصة.

الديكورات والموسيقى والأزياء

ديكورات الفيلم نقلتنا بشكل ممتاز للفترة الزمنية اللي بيحكي عنها الفيلم، وقدرت الموسيقى التصويرية أنها تدخلنا في السياق العام للأحداث، ولازم نرجع تاني ونقول أن الأخراج نجح في توظيف العوامل دي كلها لخدمة الفيلم وأحداثه

الخلاصة

All the Money in the World فيلم مميز هايعجب كل محبي الأفلام المقتبسة عن قصص حقيقية

علشان تبقى عارف: تقييم الفيلم على IMDB 7.1 من 10