Aquaman : هل يعتبر أفضل أفلام عالم DC ؟
عالم DC السينمائي هو واحد من العوالم السينمائية اللي بتقدم قصص الأبطال الخارقين من منظورها الشخصي. وهي مدرسة منافسة لمدرسة (مارفل) اللي قدمت مجموعة من أفضل الابطال الخارقين زي سوبر مان وسبايدر مان وغيرهم بالطبع. ومع انتظار قطاع كبير من محبي أفلام السوبر هيرو لفيلم Aquaman كان لازم نجاوب على السؤال: هل فيلم Aquaman هو أقوى أفلام DC؟
على الرغم من تميز الفيلم بمخرجه القوي جيمس وان. وجيمس صاحب أفلام لها بصمة متميزة زي Saw و the conjuring و Furious 7 وغيرها من الأفلام القوية والمميزة واللي سابت علامة مميزة عند مشاهديها.
لكن من ناحية تانيه جيمس وان حاول يترك بصمة فلسفية على أحداث فيلمه. من خلال بعض المشاهد الدرامية، لكنه فشل في ده. وكان من الافضل يترك الفيلم لتصنيفه الاساسي تحت بند افلام المغامرات والأكشن اللي فيها بعض الكوميديا.
Aquaman بيستمر في أحداثه بعد فيلم Justice League زمنيا. وبيتناول قصة ارثر كاري اللي قام بدوره جايسون مومو واللي بيدرك انه وريث عرش مملكة اتلانتس المتقدمة علميا. الأمر اللي بيضع في مواجهة دائمة ضد الشر علشان ينقذ العالم من الهلاك.
قصة الفيلم بسيطة ومباشرة ودي من عوامل قوة الفيلم أما على صعيد التمثيل فا بنشوف جايسون مومو في دور ارثر كاري. وجايسون كان له دور مؤثر وحيوي في مسلسل (لعبة العروش) اللي بيعد واحد من اهم المسلسلات الأجنبية في التاريخ المعاصر وانعكس اداؤه القوي على الفيلم علشان يخرج بشكل مميز وقوي.
كمان من أهم عوامل قوة الفيلم المؤثرات والخدع البصرية الموجودة في كل مشهد تقريبا، واللي تم تقديمها بشكل مبهر ومبهرج جدا. في بعض المشاهد كان بيكون زايد عن الحد لكن محبي المشاهد المبهرة والسريعة هايحسوا ان الفيلم قوي ومميز.
وبالرجوع للسؤال اللي بدأنا بيه موضوعنا. هل Aquaman اقوى افلام عالم DC ؟ الإجابة هي لا. لكن ده لا ينفي ان الفيلم قوي ومميز كفيلم مستقل عن سوبر هيرو نتوقع ان يكون له قبول كبير عند المشاهدين.
