Black Water: فان دام يعود من جديد

يعتبر هذا الفيلم هو التعاون الخامس بين (جان كلود فان دام) و(دولف لاندجرين).

يبدو أن جان كلود فان دام قرر العودة من جديد وبقوة لعالم التمثيل من خلال اللعب في المنطقة والمساحة المضمونة بالنسبة له. تعالوا نتعرف أكتر على فيلم Black Water

القصة

Black Water بيحكي عن عميل للمخابرات المركزية بيجد نفسه محتجز على متن غواصة في غاية السرية والخطورة، وعلشان يهرب لازم يستعين بكل قدراته القتالية والعقلية، وبمساعدة صديق له. لكن الأمور بتتعقد لما… مش عاوزين نحرق الأحداث أكتر من كده علشان تقدروا تستمتعوا بأحداث الفيلم.

فريق العمل

الفيلم من تأليف تشاد لو وأخراج باشا باتريكي وبطولة جان كلود فان دام و دولف لاندجرين و باتريك كيلباتريك و كريس فان دام

الأداء التمثيلي

طبعا في نوعية الأفلام دي بيكون التركيز على المشاهد القتالية وأخراجها أهم من التركيز على الأداء التمثيلي نفسه، علشان كده لاحظنا ضعف في الأداء الدرامي على حساب قوة المشاهد القتالية ومشاهد العنف وخاصة مشاهد القتال اليدوي. وعلى الرغم من أن ده يعتر من عيوب الفيلم لكن محبي أفلام الأكشن بشكل عام مش بيهتموا بالدراما على حساب العنف والأكشن.

السيناريو والحوار والأخراج

سيناريو الفيلم واضح وسريع وبيعطي كل تفصيلة من تفاصيل الفيلم حقها، أما حوار الفيلم فا شعرنا أنه متكلف شويه وأن الحوارات دي مش بتحصل في الحياة اليومية للبشر، لكن بالمقارنة بالجو العام اللي بتدور فيه الأحداث نقدر نقول أن الحوار كان جيد.

الديكورات والموسيقى والأزياء

ديكورات الفيلم كانت جيدة واختيار أماكن التصوير لعب دور مهم في دخولنا في جو الأحداث، كمان الموسيقى التصويرية الحماسية استغلالها وتوظيفها في الفيلم كان جيد.

الخلاصة

Black Water فيلم هايعجب المهووسين بأفلام الحركة خاصة الجيل القديم شوية اللي بيحب وكان بيتابع جان كلود فان دام.

علشان تبقى عارف:

تقييم الفيلم على IMDB 5.2 من 10