Blade Runner 2049: مغامرة خيال علمي مختلفة
المميز في فيلم Blade Runner 2049 أنه بعد 35 سنه من صدور الجزء الأول لسه الفيلم قادر ياخد نفس الخط العام للأحداث،
القصة
الفيلم بيستكمل أحداثه من الجزء السابق، وبيستعرض قصة الـ ( بليد رانر) الجديد واللي بيبدأ التحقيق في قضية وأحداث جديدة وغامضة من الممكن أنها تأثر على مستقبل العالم بالكامل. كمان في خضم التحقيق في الأدلة بيبدأ محاولة الوصول للبليد رانر السابق والمفقود من سنوات طويله.
فريق العمل
الفيلم من تأليف هامبتون فانشر وسيناريو وحوار ريدلي سكوت وأخراج دينيس فيلنوف ومن بطولة ريان جوسلينج و هاريسون فورد و جاريد ليتو و روبن رايت و آنا دي أرماس و ديف باتيستا
الأداء التمثيلي
من أكتر الأمور المميزة في الفيلم هي قدرة الممثلين على استيعاب الجزء الأول من الأحداث وقدرتهم على تقديم أداء تمثيلي حديث ومتجدد لكن في نفس الوقت مخلص للجزء الأول من الأحداث، أداء هاريسون فورد كان ضعيف على الرغم من أسمه الكبير، لكن واضح أن تقدم فورد في السن أثر الى حد ما على قدراته التمثيلية.
السيناريو والحوار والأخراج
سيناريو الفيلم وأخراجه كان مخلص جدا للجزء الأول للأحداث، مش بس كده، لكنه أيضا قدر يبني عليه أحداث جديدة ويقدم بناء قوي ومميز بخصوص الأحداث وخط السير الخاص بالأحداث، كمان الأخراج قدر يوظف كافة عناصر الفيلم في صالحه، وقدر يقدم لنا كمشاهدين تجربة مشاهدة غير عادية وجديدة تماما.
الديكورات والموسيقى والأزياء
ديكورات الفيلم وأزياؤه بتمثل نقلة قوية ومميزة في عالم الخدع السينمائية والديكورات، وعلى الرغم من تميز العالم ده في معظم الأفلام اللي شوفناها مؤخرا لكن الجزء الجديد من Blade runner قدر يقدم لنا حاجات جديدة ومشاهد مصنوعة بتقنيات الخدع السينمائية المميزة بشكل جديد علينا وكنا نتوقع أننا مش هانشوفه بالشكل ده.
الخلاصة
فيلم Blade Runner 2049 فيلم خيال علمي متميز، وجزء ثاني قوي ويستحق المشاهدة والاشادة والاحترام
علشان تبقى عارف:
سافر (جاريد ليتو) إلى (بودابست) في سبتمبر 2016 لتصوير مشاهده، وانتهى من تصويرها في أقل من أسبوعين.
