China Salesman: حرب الاتصالات تشتعل في الصحراء
بنلاحظ مؤخرا مجموعة من أفلام الحركة اللي تعتبر من الأفلام متوسطة الميزانية، واللي بتجذب شريحة المشاهدين المراهقين أو الفئات الأصغر سنا. تعالوا نتعرف أكتر على China Salesman
القصة
China Salesman بيحكي عن شركة بتحاول تستحوذ على عقد له علاقة بالاتصالات، الأمر اللي بيدفع المنافسة لحدود قصوى ويخلي مجموعة من الأطراف تقع في صراع قاتل مع بعضها البعض على الفوز في المنافسة اللي بتاخذ شكل مختلف وأكثر عنفا ودموية.
فريق العمل
الفيلم من تأليف وإخراج تان بينج وبطولة دونج-زو لي و ستيفن سيجال و مارك فيليب جودمان و مايك تايسون و جاناسكي اسكيفولد
الأداء التمثيلي
كان من الواضح أنه تم الاستعانة بنجوم الأكشن مايك تايسون وستيفن سيجال علشان يقدموا مشاهد الحركة والأكشن في الفيلم، لكن على الرغم من تقدمهم في السن الا انهم قدروا يقدموا أكشن قوي ومناسب للأحداث وده شيء يحسب لهم في النهاية
السيناريو والحوار والأخراج
سيناريو الفيلم كان سريع ولم يترك فرصة للمشاهدين أنهم يشعروا بالملل، وفي المقابل السيناريو كان سطحي ومحتاج كتير من (تكبير الدماغ) علشان يقدر المشاهدين يتفاعلوا مع المشاهد المختلفة الخاصة به.
الديكورات والموسيقى والأزياء
ديكورات الفيلم والموسيقى التصويرية الخاصة به كانت ضعيفة على حساب الاهتمام بمشاهد الأكشن والقتال اليدوي وتبادل اطلاق الرصاص بي الأبطال.
الخلاصة
China Salesman فيلم أكشن محدود الميزانية بيحاول يستغل كل الميزانية الخاصة به علشان يقدم تجربة مشاهدة جيدة.
علشان تبقى عارف:
بلغت ميزانية الفيلم حوالي 110 مليون يوان صيني.
