CHiPs: كوميديا عن الشرطة الأمريكية

في نهاية السبعينات وبداية الثمانينات، تم عرض مسلسل شهير بيحمل اسم CHIps عن اتنين من أفراد الشرطة بيقعوا في مشكلات كوميدية طوال الوقت.

المسلسل حقق نجاح كبيرة وحصد عدد كبير من المشاهدين في كل أنحاء العالم، علشان كده بيتم تحويله اليوم لفيلم بيحاول يعتمد على نجاح المسلسل المضمون. وهي دي العادة هذه الأيام في هوليود، إعادة تقديم واستنساخ كل الأفلام والأعمال الدرامية، وتقديمها من جديد.

فريق العمل

فيلم Chips من تأليف وإخراج داكس شيبرد ومن بطولة مايكل بينا و داكس شيبرد و جيسكا ماكنيم. والحقيقة ان مشاركة مايكل بينا في الفيلم بتعتبر من زياراته الكوميدية القليلة نسبيا لعالم السينما.

قصة الفيلم

الفيلم بيحكي عن (فرانك بونشيريلو) و(جون بيكر) الشرطيين في الدورية الأمريكة الخاصة بالطرق السريعة، واللي بيوقعهم القدر وأسلوب تصرفهم في عدد كبير من المشكلات اللي ليها طابع كوميدي، واللي بيزيد مع طريقة تعاطي الشريكين مع المشكلات دي ومحاولاتهم الشخصية انهم يحلوها ويضعوا بصمتهم الشخصية عليها.

الإخراج والسيناريو.

من اللحظة الأولي كان واضح أن السيناريو معتمد على الكيمياء بين الشريكين فران وجون، وبدون الحالة دي من الإنسجام بين الأثنين كان الفيلم ها يكون سيء جدا، والحقيقة إن الفيلم راهن رهان صحيح وكانت الكيمياء والانسجام هي المحرك الأساسي للكوميديا في الفيلم، بالإضافة لاهتمام السيناريو بخلق كتير من المواقف الكوميدية واللي تم استغلالها بشكل ناجح في النهاية.

الموسيقي والديكور والإضاءة.

من الصعب اننا نركز على الديكور والاضاءة والموسيقي فيما يتعلق بفيلم كوميدي، لكن الموسيقي قدرت تفرض نفسها علينا وتقدم مجموعة من الأغاني والمقطوعات الموسيقية المتميزة، كمان حركة الكاميرا السريعة والخاطفة كانت مميزة وساعدت على سرعة رتم الفيلم وعدم شعورنا بالملل، أما الديكورات فكانت نقطة ضعف الفيلم وحسينا انها مكررة ومافيهاش أي نوع من التجديد.

الخلاصة

فيلم CHiPs فيلم كوميدي جيد ينفع تقضوا أمامه وقت جيد في الويك اند. لكن لا تتوقعوا منه اكثر من الكوميديا.

علشان تبقى عارف:

(كريستيان بيل) و(داكس شيبرد) متزوجان ولديهما أطفال في الحياة الواقعية.