Day of the Dead: Bloodline: فيلم رعب بدون أي تجديد

على الرغم من ضعف كتير من أفلام الرعب اللي شوفناها مؤخرا على الصعيد الفني، لكن للأسف Day of the Dead: Bloodline كان واحد من أضعف الأفلام دي.. تعالوا نتعرف أكتر على السبب.

 القصة

الفيلم بيحكي عن مجموعة من الأشخاص الاختباء من مجموعة من الزومبي اللي عاوزين يقتلوهم، وفي نفس الوقت بيحاول ابطالنا إيجاد علاج أو حل للوباء اللي تسبب في تحويل الناس لزومبي!

فريق العمل

الفيلم من اخراج  هيكتور هرنانديز فيسنس ومن تأليف  جورج إيه. روميرو ومن بطولة  صوفي سكلتون و جوناثان سيشايش و جيف جَم و ماركوس فانكو

الأداء التمثيلي

الأداء التمثيلي لكل أبطال الفيلم كان في أضعف حالاته على الأطلاق، لاحظنا كتير من الأخطاء في الأداء التمثيلي وعدم قدرة الممثلين على اقناعنا بأدوارهم على الأطلاق، على الرغم من أن التمثيل في أفلام الرعب مش بيتطلب في الغالب خبرة كبيرة أو موهبة عظيمة!

السيناريو والحوار والأخراج

سيناريو الفيلم مكرر ومش بيقدم جديد، والأخراج مكانش قادر يقدم أي جديد أو تطوير على السيناريو، بالتالي خرج الفيلم في النهاية كمجموعة من المشاهد اللي بتفكرنا بأفلام رعب تانيه لكن تقديمها حتى على الشاشة كان غير موفق.

الديكورات والموسيقى والأزياء

ديكورات الفيلم كانت جيدة والموسيقى التصويرية نقدر نقول أنها كانت مقبولة، لكن بنعيب على المؤثرات الخاصة أنها كانت ضعيفة وغير مرعبة بالقدر الكافي من وجهة نظرنا

الخلاصة

بنرشح Day of the Dead: Bloodline للمشاهدة من الجمهور اللي بيعشق أفلام الرعب وممكن يتقبل أي نوع من أنواع الأفلام دي حتى لو كان مستواها ضعيف.

علشان تبقى عارف:

تقييم الفيلم على موقع IMDB 3.4 من 10