Den of Thieves: عالم الجريمة الكاملة

أفلام كتير بنشوفها مؤخرا عن الجريمة وعالم الجريمة. العالم اللي مش بنحب نشوف أثاره في حياتنا الواقعية، لكنه بيكون مثير جدا لما بنشوف أفلام الجريمة وازاي بيخطط عتاة الأجرام لتنفيذ الجريمة الكاملة. تعالوا نتعرف أكتر على فيلم Den of Thieves

القصة

Den of Thieves بيحكي عن واحدة من أهم وأخطر عمليات السرقة المنظمة في مدينة لوس أنجلوس، وازاي تمت الجريمة دي وايه اللي هايحصل أثناء التنفيذ وبعده، وهل هايقدر المجرمين يفلتوا بجريمتهم؟ ده اللي مش عاوزين نحرقه عليكم من خلال أحداث الفيلم.

فريق العمل

الفيلم من تأليف وإخراج  كريستيان جودجاست ومن بطولة  جيرارد باتلر و بابلو شرايبر و إيفان جونز و أويشا جاكسون جونيور و سونيا بالمورز

الأداء التمثيلي

من الأمور الجميلة في أحداث الفيلم أن كل واحد من الأبطال كان (مذاكر) دوره بشكل جيد وقادر على تقمصه بشكل ممتاز من الألف للياء، وده أثر على طريقة تعاطينا مع أحداث الفيلم وشعورنا بحيوية كل شخصية من الشخصيات اللي بنتفرج عليها.

السيناريو والحوار والأخراج

سيناريو الفيلم مميز لكن صعب الفهم شوية، وهايحتاج من المشاهدين شوية تركيز واهتمام بالتفاصيل، لكن الأجزاء اللي السيناريو لم يغطيها قدر الحوار يوضحها في أكتر من مشهد، وده كان من الأمور المميزة اللي لاحظناها في الفيلم.

الديكورات والموسيقى والأزياء

ديكورات الفيلم كانت جيدة والموسيقى التصويرية والأغاني كانت أكتر من رائعة وكانت بتحفز مشاعرنا طوال الوقت وخاصة في مشاهد الأكشن واللي لعبت الموسيقى التصويرية دور مهم في ابرازها وزيادة شعورنا بها.

الخلاصة

Den of Thieves فيلم أكشن وجريمة مميز وننصح بمشاهدته لمحبي النوع ده من الأفلام.

علشان تبقى عارف: تقييم الفيلم على موقع IMDB 7.1 من 10