Dragged Across Concrete: القصص المكررة مش دايما وحشه
على الرغم من أن قصة فيلم Dragged Across Concrete مش الأولى من نوعها بالتأكيد. لكن طريقة تناولها وبراعة أبطال الفيلم بتخلي الفيلم له نكهة خاصة ومميزة.
Dragged Across Concrete بيحكي عن شرطيين بيتم ايقافهم عن العمل بسبب طريقتهم العنيفة في العمل. ومع استمرار الحياة في الضغط عليهم بيضطروا للاشتراك في الأنشطة الإجرامية علشان يحققوا أهدافهم.
زي ما قولنا الحبكة اللي أشتغل عليها المخرج والمؤلف كرياج زاهلر مش جديدة. لكن الجديد كان الدويتو التمثيلي بين ميل جبسون و فينيس فوجان. واللي قدروا يقدموا أداء تمثيلي أكتر من رائع مع استغلالهم التعاونات السابقة بينهم، علشان يظهروا لنا الكيمياء الخاصة بيهم في العمل مع بعض.
مش بس الأداء التمثيلي المميز في الفيلم. لكن اخراج بعض المشاهد وطريقة تقديمها. وزوايا التصوير اللي تم اختيارها بعناية مع الكادرات اللي بتسرق عين المشاهد وتخليه لا يشعر بالملل من أي مشهد من مشاهد الفيلم كل دي كانت من عوامل النجاح الأساسية للفيلم
Dragged Across Concrete فيلم يستحق المشاهدة لكل محبي أفلام الأكشن والأثارة.
