Escape Room: اللعبة لما تتحول لحقيقه
تيمة جديدة تيمات الرعب أصبحت متكررة في عدد كبير من الأفلام، وهي تيمة احتجاز مجموعة من الأشخاص في مكان مرعب، ولازم يقوموا بحل مجموعة من الألغاز أو الوصول لحقيقة معينة علشان يتم الأفراج عنهم وعدم قتلهم.
القصة
فيلم Escape Room بيحكي عن مجموعة من الأصدقاء بيقرروا تجربة نظم (غرفة الهروب) وهي مسابقة مرعبة بتعتمد على ضرورة حل مجموعة من الألغاز علشان يقدر المشاركين في المسابقة يهربوا من مكان محتجزين فيه.
لكن المسابقة اللي المفروض أنها بالأساس لعبة بتتحول لمحاولة للأحتفاظ بالحياة لما بيكتشف الأصدقاء أن الموضوع تحول من مجرد لعبة لأحتجاز وقتل حقيقي.
فريق العمل
الفيلم من تأليف وأخراج بيتر دوكس ومن بطولة سكيت الريتش و شون يونج و كريستوفر دونلون و راندي وين و مات مكفاي
الأداء التمثيلي
لازم نعترف أن الأداء التمثيلي لو كان أفضل الفيلم كان ممكن ينتقل نقله تانيه تماما. وللأسف على الرغم من أن كل المطلوب من الأبطال هو تمثيل مجموعة من مشاعر الرعب والفزع، إلا أن الأداء التمثيلي في الفيلم كان ضعيف، وفشل الممثلين في أنهم ينقلوا لنا شعورهم ويجعلونا نشعر أحنا كمان بالأحتجاز معاهم.
السيناريو والحوار والأخراج
سيناريو الفيلم كان واضح ومباشر، ولم يعتمد على مشاهد الفلاش باك أو التذكر، وده من نقط قوة الفيلم، كمان أخراج الفيلم التزم بالتيمة الأساسية وركز في المقام الأول والأخير على زيادة جرعة الرعب من خلال أقناع المشاهدين بالتفكير في كانوا هايعملوا ايه لو كانوا بدل أبطال الفيلم وفي نفس موقفهم.
الديكورات والموسيقى والأزياء
ديكورات الفيلم تميزت بالصدق والتجديد، وقدرت تنقلنا لجو الأحداث وخصوصا الشعور بالأختناق والأحتجاز والشعور بالمطاردة. لكن الموسيقى التصويرية كانت محتاجه تكون أفضل وأقوى وأكثر امتزاجا بالأحداث علشان نقتنع ونشعر بها.
الخلاصة
Escape Room فيلم كان هايكون أفضل لو كان الأداء التمثيلي والأخراج أفضل من اللي شوفناه في النهاية. لكن محبي أفلام الرعب والتشويق هايجدوه فيلم ممتاز ويستحق المشاهدة.
علشان تبقى عارف:
فكرة الفيلم مشابهة بدرجة كبيرة لسلسلة أفلام Saw، ونعتقد أن الفكرة مقتبسة من فكرة السلسلة الشهيرة.
