Father Figures: الكوميديا في الرحلة!

بعض أفلام الكوميديا بتعتمد على فكرة أن الكوميديا بتكمن في الرحلة اللي بيقوم بيها الأبطال نفسهم، مش في الهدف النهائي أو مرحلة الوصول له، علشان كده فيلم Father Figures بيعتمد على استعراض الرحلة اللي بيقوم بيها الابطال بأكتر من الهدف اللي بيحركهم علشان يوصلوا لهدفهم.. تعالوا نتعرف أكتر على الفيلم.

القصة

الفيلم بيحكي عن توأم غير متشابه بيعرفوا من أمهم أنها كانت بتكذب عليهم بخصوص وفاة والدهم وأنه في الحقيقة لسه عايش، ومن هنا بيبدأوا في رحلة طويلة لتتبع خطوات والدهم والتعرف عليه، ومن هنا بتنشأ مجموعة من المشاهد الكوميدية اللي مش بتنتهي وبتتفجر مع كل موقف.

فريق العمل

الفيلم من اخراج  لورانس شير ومن تأليف  جاستن مالين ومن بطولة  كريستوفر والكن و  أوين ويلسون و  جلين كلوز و  جي كيه سيمونز و  ايد هيلمز و فينج راميز

الأداء التمثيلي

الأداء التمثيلي من الأبطال كان تقليدي ومافيهوش تجديد. لكن المميز في الموضوع أن الأداء التمثيلي ده كوميدي في حد ذاته وجميل ومميز ولسه مش حاسين اننا زهقانين منه، لكن كان من الأفضل لو كان الأداء ده مقرون بتقليل جرعة النكت والايحاءات الجنسية علشان الفيلم يكون مناسب لكل أفراد الاسرة.

السيناريو والحوار والأخراج

سيناريو الفيلم كان بعيد عن الملل وقدر يحرك وتيرة الأحداث بسرعة ودقة، كمان الحوار كان عليه جانب وعبء كبير جدا فيما يتعلق بالكوميديا، وقدر الحوار أنه يقوم بمسؤوليته ويحقق المطلوب منه على الصعيد الكوميدي، وطبعا أخراج الفيلم قدر يلعب بكل العناصر دي علشان يقدم لنا في النهاية كوميديا قوية وجيدة.

الديكورات والموسيقى والأزياء

في النوعية دي من الأفلام الكوميدية مش بيكون تركيز صناعها الأول على الديكور والموسيقى، وده اللي شوفناه فعلا في الفيلم، وكنا نتمنى لو تم الأهتمام بالديكور والموسيقى التصويرية أكتر من كده، ودي من العيوب اللي بناخدها على الفيلم.

الخلاصة

فيلم Father Figures فيلم كوميدي جيد لكنه غير مناسب لكل أفراد الاسرة

علشان تبقى عارف:

تقييم الفيلم على موقع IMDB 5 من 10