Ferdinand: رحلة مجنونة ومثيرة
من أكتر الحاجات الهمجية والشرسة اللي بيقوم بيها البشر هي مسابقات قتل ومطاردة الثيران. والحقيقة أن أهل الفن لازم يكون لهم رأي في الموضوع ده، وعلى الرغم من أن فيلم Ferdinand من أفلام الأنيميشن اللي ممكن تكون موجهة للأطفال بالمقام الأول لكنه بيحمل رسالة مهمة للكبار على حد سواء.
القصة
Ferdinand بيحكي عن ثور اسمه Ferdinand بيقع في مشكلة بتبعده عن وطنه الأصلي، لكنه بيقرر أنه يسافر من جديد لوطنه الأصلي، وده بمساعدة مجموعة مجنونة من الحيوانات، وفي أثناء رحلة الوصول للوطن بيمر بمجموعة من المواقف الكوميدية والغير كوميدية أحيانا.
فريق العمل
الفيلم من أخراج كارلوس سالدانها وتأليف يان ساوثوود وبأداء صوتي لـ بوبي كانافال و جون سينا و ديفيد تينانت و جينا رودريجز و دانييلا بوباديا و كيت ماكينون
الأداء الصوتي
الأداء الصوتي في الفيلم كان مميز جدا، وقدرت كل شخصية من شخصيات الفيلم أنها تعكس لنا الشخصية اللي بتقوم بيها بشكل كله واقعية وقوة، وقدر الممثلين ينقلوا لنا حس الفكاهة والمرح في الفيلم على الرغم من اضطرارهم للتمثيل بأصواتهم فقط بدون الظهور بأشخاصهم.
السيناريو والحوار والأخراج
سيناريو الفيلم كان بيتميز بالسرعة الشديدة والانتقال من مشهد للتاني بدون شعورنا بالملل وفي نفس الوقت السيناريو كان واضح وبعيد عن أي غموض أو عدم فهم، وقدر الأخراج يوازن بين الكوميديا وبين الرسالة الأنسانية اللي بيحملها.
الرسومات والموسيقى والتحريك
الخلاصة
فيلم Ferdinand فيلم أنيميشن كوميدي وانساني عظيم ويستحق المشاهدة
علشان تبقى عارف:
مخرج الفيلم (كارلوس سالدانها) أخرج أفلام أنيميشن مهمة زي Ice Age: The Meltdown و سلسلة أفلام Rio
