Fifty Shades Freed: نهاية جيدة لسلسلة روايات مثيرة.. للجدل

تعتبر سلسلة روايات Fifty Shades  واللي تم تحويلها لسلسلة أفلام، واحدة من أكتر سلاسل الأفلام والروايات أثارة للجدل في التاريخ. مش علشان محتواها الجريء واللي بياخد في بعض المناحي مستوى جنسي واضح وصريح، لكن كمان علشان الأطار الدرامي والفني اللي بيتم عرض الرواية من خلاله. ونفتكر كويس هاش تاج تم تدشينه لمناقشة واحد من أجزاء الفيلم السابقة واللي تحول لهجوم شرس على مؤلفة الرواية بسبب محتوى رواياتها. تعالوا نتعرف أكتر على Fifty Shades Freed

القصة

Fifty Shades Freed بيحكي عن حياة كريستيان وأنستازيا بعد زواجهم في الجزء السابق، والتحديات اللي بتواجههم علشان تدمر قصة حبهم، وهل ها يقدروا يتغلبوا عليها أم ها يتركوا العقبات والمشاكل تسيطر عليهم وتحول حياتهم لجحيم؟

فريق العمل

الفيلم مقتبس عن سلسلة روايات للكاتبة البريطانية ايه ال جيمس، ومن سيناريو وحوار  نياول ليونارد وأخراج جيمس فولي وبطولة  أريل كيبيل و جايمي دورنان و داكوتا جونسون و تيلور هوشلين و ماكس مارتيني

الأداء التمثيلي

الأداء التمثيلي لكل الأبطال كان مميز خاصة داكوتا جونسون و جيمي دورنمان واللي قدروا يحافظوا على البعد الإنساني لشخصياتهم على استمرار الأجزاء السابقة للأحداث، ومش حاجه سهلة أنك تحافظ على قدراتك التمثيلية لنفس الشخصية لعدة أجزاء متتالية.

السيناريو والحوار والأخراج

سيناريو الفيلم مباشر وواضح، لكن حسينا أن بعض المشاهد الرومانسية كانت مقحمة على الأحداث لزيادة التصنيف العمري للفيلم واضافة (البهارات) علشان الفيلم يجذب شريحة أكبر من المشاهدين، لكن حوار الفيلم كان قوي ومميز وكل جملة فيه كانت مكتوبة في مكانها بشكل مميز ومدروس وممتع لينا كمشاهدين.

الديكورات والموسيقى والأزياء

ديكورات الفيلم كانت رائعة، ونقلتنا لعالم الأحداث بشكل هادي وسلس وبدون أي استفزاز لعيوننا، وكان واضح الاهتمام الإنتاجي بتقديم ديكورات قوية ومصروف عليها بشكل جيد علشان ندخل كمشاهدين في مود الأحداث بسهولة ويسر.

الخلاصة

Fifty Shades Freed نهاية جيدة لسلسلة روايات أثارت الجدل بشكل كبير، سواء وهي روايات أو عند تحويلها لأفلام.

علشان تبقى عارف:

تقييم الفيلم على موقع IMDB 4.4 من 10