Gnome Alone: مغامرة مجنونة لمحبي أفلام الأنيميشن
محبي أفلام الأنيميشن معادهم مع فيلم جميل ومميز من الأفلام اللي تصلح لمشاهدة الصغار في معظم الأعمار، كمان كتير من الكبار لو شافوا الفيلم ممكن يعجبهم ويعرفوا يندمجوا مع أحداثه. تعالوا نتعرف أكتر على Gnome Alone
القصة
Gnome Alone بيحكي عن بنت صغيرة بتنتقل مع أسرتها لبيت جديد كبير وواسع، لكن البيت مش بس بيمتاز بالحجم الكبير، لكن المنزل فيه أسرار كتير مستخبية بتبدأ تعلن نفسها لبطلة الفيلم علشان تاخدها في مغامرة جديدة ومختلفة هاتختبر شجاعتها وقدرتها على اتخاذ القرارات.
فريق العمل
Gnome Alone من اخراج بيتر لبنيوتس وتأليف روبرت مورلاند وبطولة الأداء الصوتي لـ بيكي ج. و جوش بيك و تارا سترونج و جيم كامينجز و ديفيد كيكنير و أوليفيا هولت
الأداء الصوتي
الأداء الصوتي في الفيلم كان جيد جدا، وعجبنا اختيارات المخرج لأبطال الفيلم بحيث تكون أصواتهم مناسبة جدا لأصوات الشخصيات الكرتونية اللي بيقوموا بأداء دورها، والحقيقة أن كل واحد من الأبطال قدر يقدم أداء صوتي مميز ومتناسب مع الشخصية فعلا.
السيناريو والحوار والأخراج
سيناريو الفيلم سريع وجيد وغير ممل، خاصة في النصف الثاني من الأحداث واللي بتتسارع فيه كل الأحداث علشان توصل لزروتها، كمان قدر الحوار يظهر كتير من تفاصيل الشخصيات بشكل جيد ومستتر وبدون المباشرة اللي كنا بنشوفها في كتير من أفلام الأنيميشن بالذات.
الرسومات والتحريك والجرافيك
رسومات الفيلم كانت على مستوى جيد من الابهار، وتم استخدام الخدع والمؤثرات الخاصة بشكل جذاب ومميز، كمان تحريك الشخصيات على الشاشة كان سلس وجميل ومبهر لعيون الأطفال والكبار على حد سواء
الخلاصة
فيلم Gnome Alone فيلم أنيميشن مميز وجميل وننصح بمشاهدته لجميع الأعمار.
علشان تبقى عارف:
الفيلم بيأتي من نفس منتجي فيلم Shrek
