Here Alone: الصراع من أجل البقاء

فترة طويلة فصلتنا عن أخر فيلم رعب وغموض جيد شوفناه. Here Alone قد يكون مش بنفس قوة أفلام رعب كتير شوفناها في الماضي، لكن الفيلم مش سىء وممكن محبي الغموض والرعب يجدوا فيه كتير من الأمور الجيده.

القصة

الفيلم بيحكي عن سيده بتحاول تظل على قيد الحياة من خلال الصراع من أجل البقاء ضد كتير من العوامل البيئية والغامضة والمرعبة، بعد ما بيصيب المنطقة اللي عايشه فيها وباء غامض بيقضي على الجميع. ثم بتتطور الأحداث علشان نعرف هل هاتقدر تنجو أم هاتستسلم للمصير القاتل.

فريق العمل

الفيلم من اخراج  رود بلاكهورست ومن تأليف  ديفيد إبلتوفت أما البطولة فكانت من نصيب  لوسي والترز و آدم ديفيد تومبسون و شين ويست و جينا بيرسانتي

الأداء التمثيلي

القلة النسبية لفريق العمل جعلت من الأداء التمثيلي مهمة صعبة بيحاول كل ممثل فيها إنه يقدم أفضل ما عنده. ده جعل الأداء التمثيلي من كل الممثلين تقريبا قوي ومحترم، لكن في نفس الوقت عيوب السيناريو والأخراج جعلت جزء كبير من مجهود التمثيل يضيع بدون فايده، لكن مانقدرش ننكر أن الأداء التمثيلي كان قوي ومميز.

السيناريو والحوار والأخراج

سيناريو الفيلم كان محتاج يكون أكثر قوة، وكان محتاج يقدم لنا جرعة أكبر من الرعب على مدار الأحداث، لأن السيناريو في رأينا كان ممل وكان بخيل في تقديم مشاهد الرعب والإثارة، لكن في المقابل كان بيقدم تمهيد جيد من خلال الأحداث اللي بتحصل قبل مشاهد الرعب أو الإثارة. الحوار في الفيلم كان قوي على الرغم من قلته، وكل الأمور دي تشير لقوة الإخراج فقط لو كان السيناريو أفضل وأقل مللا.

الديكورات والموسيقى والأزياء

البطل الحقيقي للفيلم كان المؤثرات الخاصة والملابس والديكورات اللي تم تصوير الفيلم فيها، كمان اللعب بالإضاءة وتنويعاتها وحركة الكاميرا، كلها أمور تحسب للفيلم مش عليه.

الخلاصة

فيلم Here Alone مش أفضل فيلم غموض أو رعب شوفناه، لكنه فيلم جيد يستحق نعطيه فرصة في المشاهدة

علشان تبقى عارف:

الفيلم حصل على تقييم 5.6 من 10 على موقع IMDB من حوالي 3000 مستخدم للموقع قاموا بتقييم الفيلم.