Hostile: فيلم جديد عن نهاية العالم
على الرغم من قلة عدد الأفلام اللي بتناقش نهاية العالم أو ما بعد انتهاء العالم بالشكل التقليدي اللي احنا عارفينه، إلا أن الأفلام دي بتقدر على الغالب تحقق نجاح كبير نتيجة الواقع المختلفة والمتغير واللي بتقدمه من خلال أحداثها، كمان بسبب الميزانية المنخفضة اللي بتكلفها الأفلام دي في الغالب لاعتمادها على عدد ممثلين قليل أو التصوير في مواقع تصوير قليلة. تعالوا نتعرف أكتر على Hostile
القصة
Hostile بيحكي عن نهاية العالم بالشكل المعروف لدينا، ومحاولة بطلة الفيلم (جولييت) أنها تنجو بحياتها في ظل وجود مخلوقات غريبة ومرعبة بتظهر في المساء وبتحاول تقتل أي شخص تجده في طريقها، فهل هاتقدر جولييت تحافظ على حياتها الفي البيئة العدائية دي؟
فريق العمل
الفيلم من تأليف وإخراج ماثيو توري ومن بطولة بريتاني آشوورث و جورجي فيتوسي و خافيير بوتيت
الأداء التمثيلي
على الرغم من صغر سنها الا ان بريتاني آشوورث قدرت تقوم بدور قوي ومميز، وقدرت توصل لنا كمشاهدين كل المشاعر اللي ممكن يشعر بها أي أنسان في نفس الموقف بتاعها، والحقيقة أن بريتاني فنانة قوية وقادرة على القيام بأي دور يتم اسناده لها، ونتوقع أن الأفلام القادمة لها هاتكون أقوى وأفضل وأكثر تأثيرا.
السيناريو والحوار والأخراج
سيناريو الفيلم كان متوقع الى حد كبير ومافيش مفاجأت كتيرة ممكن نشوفها، لكن الأخراج نجح في تحويل كل مشهد بنشوفه لتحفة سينمائية قوية ومؤثرة من خلال استغلال الأحداث المتلاحقة في السيناريو واللي كان مكتوب باحترافية وتميز شديد.
الديكورات والموسيقى والأزياء
معظم مشاهد الفيلم تم تصويرها في مشاهد خارجية، وده بالتأكيد كان تحدي كبير لفريق الفيلم لكنهم قدروا ينجحوا فيه ويقدموا لنا مشاهد قوية، كمان الديكورات في كتير من المشاهد لعبت دور مهم علشان نشعر أننا بنشوف العالم بعد النهاية بالفعل، وطبعا الموسيقى التصويرية هي كمان كان لها اثر قوي علينا وعلى متابعتنا للفيلم.
الخلاصة
Hostile فيلم قوي وهايعجب كل محبي أفلام نهاية العالم والتحديات اللي بتواجه الناس العايشة لوحدها في بيئة معادية.
علشان تبقى عارف:
بريتاني آشوورث بطلة الفيلم من مواليد الولايات المتحدة الأمريكية وقدمت بالأضافة لفيلم Hostile فيلم The Crucifixion
