Incredibles 2 : بيكسار تواصل نجاحها
شركة بيكسار تعتبر واحدة من اشهر وانجح شركات انتاج أفلام الانيميشن في العالم. ومن خلال افلامها الـ 19 السابقة قدرت تثبت نفسها واسمها في الأسواق السينمائية، وتجذب عدد ضخم من نجوم هوليود لعمل الأداء الصوتي لأفلامها اللي حققت المليارات من المبيعات والارباح في فترة زمنية قصيرة نسبيا.
بيكسار بتعمل على انتاج جزء ثاني من فيلمها Incredibles بعد النجاح الكبير اللي حققه، والايرادات الضخمة اللي حققها الفيلم في السينمات، ومن الواضح أن الجزء الجديد هايقدر يحقق إيرادات ونجاح عالي برضو.. تعالوا نتعرف اكتر على Incredibles 2
Incredibles 2 بيحكي عن مهمة هيلين لإنقاذ العالم من خلال سلسلة من المغامرات الغير منتهية، في نفس الوقت بنشوف الصغير جاك جاك في المنزل والمواقف الكوميدية المتفجرة اللي بتحصل مع محاولة العناية به. كل الأحداث دي بتحصل في جو عام من الكوميديا والمغامرات اللا منتهية.
الأداء الصوتي لابطال الفيلم كريج تي. نيلسون و هولي هنتر و جون راتزينبيرجر و صامويل ل. جاكسون و سارا فويل كان مميز وحماسي، وحسينا ان المخرج براد بيرد قدر يوظف كل فنان في الشخصية المناسبة له تماما. كمان حسينا ان السياق الدرامي الخاص بالفيلم مناسب لكل شخصية من الشخصيات علشان تظهر وتقدم مواقفها كاملة وتظهر امام المشاهدين والجمهور.
من اكتر الحاجات المميزة في الفيلم الجرافيكس المتطورة، وإخراج مشاهد الاكشن والحركة وتحريك الشخصيات على الشاشة. كل الأمور دي بيكسار متميزة فيها وفي قدرتها على تقديمها للمشاهدين بشكل جيد ومميز، ويمكن ده كان الطابع الغالب على كل افلامها تقريبا
Incredibles 2 فيلم انيميشن جيد بننصح بمشاهدته للكبار والصغار على حد سواء
نصيحة كايرو360: الفيلم يعتبر الفيلم رقم عشرين في مسيرة إنتاجات (بيكسار).
