Insidious: The Last Key: رعب المنازل المسكونة
محبي سلسلة أفلام Insidious هايجدوا في الجزء الجديد كتير من الأحداث المرعبة اللي تعودوا عليها، أما اللي بيشاهدوا الفيلم كأول تجربة لهم في السلسلة، ممكن يشعروا أن الفيلم ضعيف شوية أو جرعة الرعب فيه مش كافيه. تعالوا نتعرف أكتر على Insidious: The Last Key
القصة
Insidious: The Last Key بيحكي عن الدكتورة اليس المتخصصة في دراسة الظواهر الخارقة للطبيعة، واللي بتواجه في الجزء ده حقيقة صعبة وهي أن منزل العائلة الخاص بها مسكون بالأشباح والارواح الشريرة. ازاي ها تقدر تتصرف مع الحقيقة دي؟!
فريق العمل
الفيلم من اخراج آدم روبيتيل ومن تأليف لاي وانيل ومن بطولة سبنسر لوك و ماركوس هندرسون و لاي وانيل و أفا كولكر و أماندا جاروس و لين شاين
الأداء التمثيلي
الأداء التمثيلي في أفلام الرعب بيكون قائم على تصنع الدهشة والفزع والخوف الشديد، تقريبا من كل أبطال الفيلم، ثم بتقوم المؤثرات الخاصة والتلاعب بالأضاءة وزوايا التصوير بالباقي تقريبا. لكن لازم نستثنى لين شاين من القاعدة دي ونقول أنها قدرت تقدم أداء تمثيلي مميز ومثير للأعجاب.
السيناريو والحوار والأخراج
سيناريو الفيلم كان مباشر، والى حد بعيد الأحداث كانت قابلة للأستنتاج من البداية للنهاية ودي من الأمور اللي بنعيب فيها على سيناريو الفيلم، أما الأخراج فا عرف يوظف المؤثرات الخاصة والخدع السينمائية لخدمة أحداث الفيلم وتقديم جرعة رعب قوية.
الديكورات والموسيقى والأزياء
ديكورات الفيلم كانت مؤثرة ولعبت دور مهم هي والأضاءة في توصيل حالة الفزع والخوف، خاصة مع المؤثرات الخاصة والتلاعب بزوايا التصوير وغيرها من أفعال أفلام الرعب المشهورة.
الخلاصة
Insidious: The Last Key جزء حديث ومخيف من سلسلة أفلام رعب بيعرف قيمتها كل محبي أفلام الرعب على مستوى العالم، وبينتظروا الجديد منها يوم بعد يوم وسنة بعد سنه.
علشان تبقى عارف:
حقق الإعلان الترويجي للفيلم حوالي 15 مليون مشاهدة على موقع المقاطع المصورة يوتيوب.
