Ip Man 4: The Finale : هل الجزء الأخير دايما الأفضل؟
لما تقدم ٣ أجزاء من سلسلة أفلام ناجحة وتستعد لتقديم الجزء الرابع من نفس السلسلة. بتكون قدام ميزة وعيب. الميزة هي الجمهور اللي معجب بالأجزاء السابقة ومتشوق يشوف الجزء الأخير. وده يضمن نجاح كبير للجزء الأخير.
العيب بقى أن الجزء الأخير لازم يكون قوي جدا علشان شايل مسئولية الأجزاء السابقة كلها. وده اللي ماقدرش عليه Ip Man 4
Ip Man 4 بيحكي عن رحلة مُعلم بروس لي اسطورة القتال الصينية. علشان يفهم أبعاد المشكلة اللي تسبب فيها تلميذه في الولايات المتحدة الأمريكية. وعلشان يكتشف أن العنصرية موجودة في كل مكان في العالم بس مع اختلاف الأشخاص.
الممثل ووك وان تشان اللي قام بدور بروس لي قدر يقدم أداء أكثر من رائع. ومع خبرة المخرج ويلسون ييب في توجيه الكاميرا حسينا أننا أمام بروس لي من جديد فعلا! لكن على ناحية تانيه السيناريو لم يعطي مساحة كبيرة للشخصية علشان تقدم كل ما عندها على الشاشة.
أما الأداء الأروع فكان من نصيب دوني ين اللي قدر يقدم أداء تمثيلي ممتاز جدا. لكن من حيث السيناريو والقصة اللي قدمها إدموند وونغ الفيلم كان أقل بكتير من الأجزاء السابقة.
حتى المشاهد القتالية نفسها كانت أكتر من رائعة لكن برضو أضعف من الأجزاء السابقة.
باختصار: لو هاتشوف Ip Man 4: The Finale كجزء من سلسلة أفلام أكشن ورياضة بدنية. الفيلم مش هايكون كويس أبدا. أما لو شوفت الفيلم كفيلم قتالي منفصل في الحالة دي هايعجبك.
