Killerman : القصة حلوة.. بس فين الفيلم!
أحيانا بيكون معاك قصة فيلم جيدة، لكن تنفيذ القصة على الشاشة بيكون ضعيف. السؤال هو: هل الفشل ده مسئولية المخرج أم الممثلين؟!
Killerman بيحكي عن مجرم بيعمل في مجال غسيل الأموال، لكنه بيجد نفسه بعد أحد العمليات الفاشلة فاقد للذاكرة ومش عارف المفروض يتصرف ازاي، في وسط بيئة عدائية جدا وناس هو مش عارف نيتهم الحقيقية تجاهه (بما أنه فقد الذاكرة) فهل هايقدر ينجو من كل ده؟
زي ما قولنا قصة الفيلم – اللي بتفكرنا بقصة فيلم Unknown اللي قام ببطولته ليامن يسون- جيدة، لكن تنفيذها على الشاشة كان ضعيف. والحقيقة أن المخرج مالك بدير اللي ماقدمش قبل كده أفلام قوية أو من النوعية اللي ممكن تسيب علامة مع المشاهدين. بدير ماقدرش يعالج القصة بشكل جيد، والأهم أنه ماقدرش يوضح لنا كتير من دوافع الأبطال وسبب تصرفاتهم. بالتالي أصبحنا بنشوف الفيلم بدون أي تعاطف أو كراهية حقيقية لأبطاله.
ليام هيمسورث بيقدم أداء ضعيف جدا وكله عصبية ودموية بدون تركيز على البعد الإنساني للشخصية، وحسينا أن الفيلم عاوز يثبت حاجات معينة للمشاهدين – زي قدرته على تقديم مشاهد عنف ومطاردات- لكن بدون ما يقدر يوظف المشاهد دي في خدمة قصة الفيلم.
Killerman يعتبر من الأفلام اللي ممكن تتفرج عليها لو زهقت من اللف في المول وعاوز تقعد شويه في السينما مع بعض الاحداث الجذابة بدون متابعة حقيقية منك.