King Arthur: Legend of the Sword: أسطورة الملك أرثر!
الفيلم بيحكي عن اسطورة الملك أرثر اللي تناولتها كتير من الأعمال السينمائية والدرامية، لكن الفيلم بيعود بينا للوراء لفترة شباب أرثر وقدرته على العثور على سيف إكساليبور السحري والموجود في قلب أحد الصخور القوية، وفى نفس الوقت بيحاول أرثر يوحد شعبه تحت راية واحده علشان ينتقم من اللي قتل والديه.
فريق العمل
الفيلم من اخراج جاي ريتشي ومن تأليف جوبي هارولد ومن بطولة تشارلي هونام و جود لو و أستريد بيرجيس فريسبي و دجيمون هونسو. وزي ما احنا شايفين الفيلم معظم أبطاله من النجوم المشاهير واللي قاموا بأعمال بطولة وأدوار مهمة في عدد كبير من الأفلام.
السيناريو والحوار والإخراج
سيناريو الفيلم المميز قدر يتحد مع الحوار علشان يقدموا لنا في النهاية فيلم قوي ومترابط وقادر على اقناعنا ونقلنا زمنيا لحقبة لم يعشها أحد علشان ينقل لنا قصة بطولة وفداء جديدة.. وعرفنا ان الفيلم مكون من 6 أجزاء، وكان من الواضح أن المخرج بيأسس للأجزاء القادمة واللي هاتحتوي على عدد ضخم وكبير من الأحداث والتقلبات الهامة، علشان كده كان لازم اخراج الفيلم يركز على تأصيل الأحداث والعودة بالقصة للبداية علشان نكون فاهمين كل شيء.
الموسيقى والديكور والمؤثرات
موسيقى الفيلم تميزت بأن لها طابع تاريخي محبب لنفوسنا، وفى نفس الوقت كانت قادرة الموسيقى انها تكون شبابية وحماسية لما جئنا لما يتعلق لمشاهد المعارك والصراعات المختلفة، أما الديكورات فنقلتنا نفسيا وبصريا لعالم تاني خالص، ونجحت في ابتكار عالمها الخاص واللعب بقوانينه ونقلنا بنجاح للزمن ده.
المؤثرات الخاصة وعلى الرغم من استعمالها بصورة غير مكثفة لكنها كانت قوية وواضحة ومؤثرة وجميلة جدا.
الخلاصة
King Arthur: Legend of the Sword يعتبر فيلم من العيار الثقيل، واحنا في انتظار الأجزاء القادمة من باقي السلسلة على أحر من الجمر.
علشان تبقى عارف: زاد وزن شارلي هانوم إلى 190 باوند ﻷجل دوره في الفيلم. والفيلم بدأ تصويره في 2015.
