Little Women : أربع قصص في قصة واحدة!

لما بنتكلم عن قصة تم تقديمها في أكتر من فيلم قبل كده. بيكون التحدي هو إعادة تقديم القصة من جديد بدون فقدان شغف المشاهدين. التحدي اللي بيخسره كتير من صناع السينما. لكن نجحت فيه جريتا جيبوج مخرجة  فيلم Little Women

Little Women بيحكي عن قصة ٤ بنات وازاي حياتهم بتنتقل من فترة الطفولة للمراهقة والشباب في وسط تغيرات اجتماعية كبيرة بتطرأ على المجتمع الأمريكي بعد نهاية الحرب الأهلية.

شخصية (جو) اللي قامت بيها سيرشا رونان كانت الشخصية اللي تم التركيز عليها بأكثر ما يكون التركيز. ويعتبر سيناريو الفيلم متمحور حواليها. لكن ده لا يمنع أن شخصية باقي الأخوات ميج و ايمي و مارمي كان عليهم بعض التركيز. وحسينا أن شخصية ايما واتسون أو (ميج) كانت الشخصية الأقرب لقلبنا. وبشكل عام الأداء التمثيلي لكل أبطال الفيلم كان في أفضل حالاته.

مش بس الأداء التمثيلي اللي كان كويس.. الديكورات والأزياء كانت أكثر من رائعة. حتى أن الفيلم كسب أوسكار أفضل تصميم أزياء للعام الحالي ٢٠٢٠ والحقيقة يستحقها بجدارة.

Little Women فيلم عن الحب والأسرة وتحديات العمل في بيئة صعبة مش بتدي فرص عادلة بين الرجال والنساء. ننصحكم بمشاهدته خاصة لو بتحبوا القصص السينمائية الكلاسيكية