Maze Runner: The Death Cure: جزء جديد ومتاهة جديدة

مع النجاح الكبير اللي حققته سلسلة أفلام Maze Runner الأمر اللي شجع المنتجين على الدفع بجزء بعد جزء كنوع من الاستغلال المباشر للنجاح ده، وقدرت السلسلة تحقق نجاح كبير في أوساط المراهقين والشباب واللي عجبهم الخلط بين عالم الخيال العلمي والأكشن.  تعالوا نتعرف على المحطة الأخيرة بعنوان Maze Runner: The Death Cure

القصة

Maze Runner: The Death Cure بيحكي عن (توماس) واللي بينطلق في مغامرة جديدة علشان يحصل فيها على علاج دائم لمرض قاتل بيهدد الجميع بالفناء، لكن هل هايقدر يجد العلاج الجديد أم هايفشل في المهمة اللي تعتبر أصعب مهمة بيواجهها على الأطلاق.

 فريق العمل

الفيلم من أخراج  ويس بال وتأليف تي سي نولين اقتباسا عن رواية  جيمس داشنير ومن بطولة  ناتلي إيمانويل و كايا سكوديلاريو و ديلن أوبراين و جيانكارلو إسبوسيتو و كاثرين ماكنامارا

الأداء التمثيلي

الأداء التمثيلي لأبطال الفيلم كان جيد ويستحق الاحترام، والميزة أنه تم اختيار أعمار أبطال الفيلم بحيث تناسب فئة الشباب والمراهقين، وقدر الشباب ابطال الفيلم أنهم يقدموا أداء تمثيلي متناسب مع أحداث الفيلم المفعمة بالحركة والاثارة.

السيناريو والحوار والأخراج

على الرغم من انحياز سيناريو الفيلم للأكشن والأثارة معظم الوقت لكن في بداية أحداث الفيلم شعرنا ببعض الملل، لكن الملل ده بيتبدد بعد  كده مع اتجاه السيناريو للحركة والمشاهد السريعة والتنقل بين الأحداث بسرعة وسلاسة.

يحسب للأخراج انه قدر يطوع السيناريو بشكل جيد ويستغل القدرات التمثيلية للأبطال ويقدم في النهاية توليفة محترمة من الأكشن والدراما والأثارة.

الديكورات والموسيقى والأزياء

ديكورات الفيلم كانت مختلفة وجديدة، وقدرت تتفاعل مع المؤثرات الخاصة علشان تقدم لنا في النهاية مشاهد مقنعة ومؤثرات مثيرة وجذابة جدا، كمان أزياء أبطال الفيلم كانت جيدة وقوية ومتجانسة مع الجو العام لألوان الفيلم، كل ده قدم حالة بصرية مريحة لنا كمشاهدين وتدفعنا للتركيز في الأحداث والاهتمام بيها.

الخلاصة

فيلم Maze Runner: The Death Cure يعتبر عمل ممتاز لمحبي ومتابعي السلسلة من البداية

علشان تبقى عارف:

تقييم الفيلم على IMDB 6.8 من 10