Midnight Special : فيلم رعب وتشويق مظلوم!
الأديان بتقول الأطفال أحباب الله.. لكن هوليود مؤخراً بتقول إن كل طفل برىء وجميل فى النهاية إما بيحمل مصيبة ما.. أو بيتسبب فى كارثة لكل اللى حواليه! وده بالظبط اللى بيحاول يقوله فيلم Midnight Special تقريباً فى كل مشهد من مشاهده!
سيناريو الفيلم من المشهد الأول بيدخلنا فى منتصف الأحداث بالظبط، لكن وعلى العكس من الأفلام اللى بتدخل المشاهدين من منتصف الأحداثالفيلم مش بيقدم لنا مشاهد (فلاش باك) علشان يشرح لنا إيه اللى بيحصل بالظبط، بل بيعتمد على ذكاء المشاهد وقدرته على فهم الأحداث واستنتاجها علشان نفهم إيه اللى بيحصل، وإحترام الفيلم لذكاء المشاهدين ومراهنته عليه كان فى محله ورهان ناجح.
إحنا بنتكلم عن إيه؟ بنتكلم عن المخرج والمؤلف جيف نيكولاس واللى بيقدم مايكل شانون و سام شبرد كرجلين بيحاولوا يهربوا مع طفل صغير من مطاردة الحكومة الأمريكية لهم، بعد معرفة إن الطفل بيتمتع بقوي خارقة زي قدرته على اسقاط قمر صناعي مثلا! أو قدرته على إخراج شعاع من عينيه بيعالج بيه الناس، كل الحاجات دي جعلت طائفة كبيرة من الناس تؤمن بيه، وجهات حكومية سرية بتحاول تقبض عليه بأي تمن.
الإخراج كان مباشر ومتميز وبيضرب الحديد وهو ساخن، ده فيلم مش ها تحس معاه بثانيه واحده من الملل، وفى نفس الوقت هاتفضل طول الوقت تسأل نفسك عن التفسير اللى مش بنعرفه غير فى أخر الفيلم ومش هنقوله طبعا علشان مانحرقش أحداث الفيلم
الموسيقي التصويرية كان لها دور متميز فى الأحداث والأداء التمثيلي تناغم معاها علشان يقدموا عمل جيد متأرجح بين المغامرة
