Midnight Sun: الحب أقوى من الشمس!

ساعات قصص الحب الجميلة بتصطدم بقرارات صعبة من الأهل، أو ظروف سيئة في المجتمع، لكن أصعب قصص الحب هي اللي ممكن تصطدم بحالات صحية حرجة. وهو ده اللي بيحكي عنه فيلم Midnight Sun

القصة

Midnight Sun بيحكي عن بنت مصابة بمرض نادر، بيجعل تعرضها للشمس ممكن يأثر على حياتها بالكامل، لكنها بتقع في الحب، وبيكون على حبيبها أنه يتفهم طبيعة مرضها ويواجه كل الصعوبات اللي ممكن تأتي مع قصة حب غريبة بالشكل ده.

فريق العمل

الفيلم من من اخراج  سكوت سبير وتأليف  إريك كريستين وبطولة  بيلا ثورن و باتريك شوارزينجر و روب ريجلي و كوين شيبارد

الأداء التمثيلي

الأداء التمثيلي لأبطال الفيلم كان جيد، وكان من الواضح أدراك كل واحد منهم للابعاد الأنسانية والنفسية للدور اللي بيقوم بيه، وده أثر في النهاية على ظهور الفيلم بشكل قوي ومؤثر في نفوس كل اللي بيشاهدوه.

السيناريو والحوار والأخراج

سيناريو الفيلم بيتسم بالهدوء والانتقال من نقطة للتانية بروية شديدة ممكن تبدو مملة للبعض لكن أكيد محبي الأفلام الرومانسية هايستمتعوا بالهدوء والبساطة اللي بتنتقل بيها الأحداث من جزء لأخر على مدار سيناريو الفيلم.

الديكورات والموسيقى والأزياء

ديكورات الفيلم كانت جيدة، والتصوير في الأماكن المفتوحة واختيار زوايا التصوير مع الموسيقى التصويرية الهادئة ساعدوا على دخولنا في الجو الرومانسي للأحداث وشعورنا بالتداخل والتكامل مع قصص الأبطال.

الخلاصة

Midnight Sun فيلم هايعجب محبي الأفلام الرومانسية الهادئة اللي فيها تحديات كبيرة ومحاولات للنجاح بقصة الحب واجتياز العقبات

علشان تبقى عارف:

تقييم الفيلم على موقع IMDB 6.1 من 10