Mine: الصراع ضد الطبيعة.. والشر

أحيانا يجد الإنسان نفسه في مواجهة مع ألد أعداؤه… مين ممكن يكون أصعب عدو للإنسان؟ حيوان شرس؟ حرب صعبة؟ الحقيقة أن أصعب عدو ممكن يواجه الإنسان هي الطبيعة نفسها! فماذا لو اتحدت الطبيعة والبشر ضد إنسان واحده؟ ده اللي بيتعرض له فيلم Mine

قصة الفيلم

الفيلم بيحكي عن أحد افراد القوات المسلحة الأمريكية في مهمة خاصة، لكن المهمة بيفشل علشان يلاقي نفسه فجأة في وسط حقل ألغام وناس بتحاول تقتله. مش بس كده. البيئة نفسها صحراوية قاتلة بتتأمر على بطلنا علشان تنهي حياته. هل هايقدر يعتمد على نفسه وقدراته علشان يفضل على قيد الحياة خلال الأحداث دي كلها؟!

فريق العمل

فيلم Mine من بطولة أرمي هامر و أنابيلا واليز و توم كولين و كلينت داير ومن إخراج وتأليف فابيو ريزينارو

السيناريو والحوار والإخراج

سيناريو الفيلم كان مميز، وقدر يشدنا لمتابعة الأحداث من أول مشهد للنهاية بعبقرية واحترافية من القليل أننا نشوفها في كتير من أفلام الأكشن والحركة، خاصة مع نقص عدد الممثلين ومحدودية أماكن التصوير.

أما حوار الفيلم فعلى الرغم من قلته فكان متميز، وقدر يقرنا من الشخصيات بشكل كبير، خاصة انه بيتم الاعتماد عليه في المقام الأول تقريبا علشان نشعر بمشاعر وطريقة تفكير كل شخصية من شخصيات الفيلم.

الموسيقى والديكورات

ديكورات الفيلم اعتمدت في معظم الوقت على تصوير المناطق الصحراوية والمفتوحة، وده أعطى الفيلم بعد بصري رائع وقدرة على التلاعب بالكاميرا وتقديم زوايا تصوير رائعة، كمان الموسيقى التصويرية كانت مميزة وكانت قادرة تميز الفرق بين امتى تكون مسيطرة وظاهرة على المشهد وامتى تتوارى علشان تعطي المشاهدين فرصة التركيز في الأحداث.

الخلاصة

فيلم Mine على الرغم من بساطة قصته والسيناريو الخاص به، إلا أنه فيلم حركة واثارة عظيم ورائع وقادر على حبس الأنفاس!

علشان تبقى عارف

بطل الفيلم أرمي هامر شارك قبل كده بأدوار مهمة في أفلام زي The man from UNCLE وThe  Social Networkوغيرها