Missing Link : نجوم كبار وأنيميشن مختلف

من وقت للتاني بنحب نتفرج على فيلم انيميشن مختلف يخرجنا من حالة الملل من تكرار قصص وحبكات الأفلام التانيه. وهو ده اللي حسيناه مع Missing Link

Missing Link بيحكي عن ليونيل فروست – بيقوم بالأداء الصوتي هيو  جاكمان- اللي بيعتبر نفسه من أهم مكتشفي الكائنات النادرة في العالم. وعلشان يثبت صحة وجهة نظره بيسافر علشان يكتشف مخلوق اسطوري نادر الوجود.

الأداء الصوتي لأبطال الفيلم زوي سالدانا و إيما تومسون و تيموثي أوليفانت كان جيد جدا. وخاصة طبعا هيو جاكمان اللي قدم أداء صوتي ممتاز وشعور كامل بالشخصية اللي بيقدمها على الشاشة.

مستوى الرسومات كان جيد جدا. وكان واضح تفرد كل شخصية من حيث الرسم وطريقة التحريك على الشاشة. كمان مستوى الألوان وتنوعها في الفيلم من الأمور اللي جذبت عيوننا بشكل كامل طوال أحداث الفيلم. والحاجه الوحيدة اللي جذبت انتباهنا بجوار الألوان هي مستوى الكوميديا في الفيلم واللي كان مستواها متميز جدا ومختلف

Missing Link فيلم أنيميشن فيه نجوم كبار وبيحاول يقدم كل حاجه بشكل جميل ومختلف. يستحق المشاهدة