Norm of the North 3: King Sized Adventure : مغامرة جديدة لمحبي (نورم)
محبي شخصية (نورم) الكارتونية والمغامرات اللي بيدخلها طول الوقت مش بس أطفال. لكن بعض الكبار أيضا بيحبوا المفارقات الكوميدية اللي بتحصل له طوال الوقت. وهو ده اللي لعب عليه المخرجين ريتشارد فين و تيم مالتبي مع المؤلف ستيفن آلتيير علشان يقدموا كوميديا تعجب الكبار والصغار وتحافظ على استمرار الشخصية في نفس الوقت.
Norm of the North 3 بيحكي عن مغامرة جديدة لنورم. بيحاول فيها يستعيد قطعة أثرية صينية مهمة جدا. لكن كالعادة بيشارك نورم مجموعة من أصدقاؤه علشان يقدر يوصل لهدفه. وسط عدد لا نهائي من المواقف الكوميدية اللي بتتفجر طوال الوقت.
لا جديد على صعيد تصميم الشخصيات وطريقة تحريكها على الشاشة. وواضح أن صناع الفيلم أهتموا بالسير على نفس نمط الشخصيات من حيث شكلها وتصميمها للحفاظ على محبي الشخصية.
لكن القصة المرة دي بتيجي (بحجم) أكبر. يعني بنشوف مواقف أكتر وتنويعات كبيرة. والميزة أن المسيطر على الفيلم مش بس الروح الكوميدية المرحة لكن كمان محاولة توصيل رسالة للمشاهدين على اختلاف أعمارهم وافكارهم.
Norm of the North 3 استمرار ناجح لسلسلة أفلام قدرت تكون جمهور كبير لها في فترة زمنية طويلة. واحنا متلهفين للمغامرة الجديدة القادمة من نورم.
