Ocean’s 8: سلسلة أفلام أوشن بنكهة نسائية
بالتزامن تقريبا مع السماح بقيادة السيدات للسيارات في المملكة العربية السعودية، بنشوف فيلم أجنبي بيحكي عن سيدات رائدات. لكن المرة دي مش بيخططوا لقيادة السيارات. بيخططوا لتنفيذ واحدة من أكبر عمليات السرقة في التاريخ. هل هاينجحوا في مخططهم؟
الأفلام اللي بتحكي عن مجموعة من السيدات اللي بيعملوا عمل جماعي، بتحاول تجمع بين الكوميديا والأكشن في نفس الوقت. ومع اختيار فريق عمل مميز من ساندرا بولوك و كيت بلانشيت وان هاثواي وغيرهم من النجوم، عرفنا من مجرد إعلانات الفيلم أننا أمام عمل قوي ومميز.
Ocean’s 8 زي ما قولنا بيحكي عن محاولة مجموعة من السيدات تنفيذ اكبر عملية سرقة في القرن في حفل النجوم السنوي في مدينة نيويورك. وهي نفس القصة اللي بتدور عنها مجموعة وسلسلة أفلام Ocean وهي سلسلة أفلام بنكن لها مشاعر وذكريات هامة في قلبنا لعرضها في فترة مراهقتنا وشبابنا.
المميز في الفيلم قدرته على الجمع بين مجموعة من نجوم هوليود وتوظيف وجود كل واحدة فيهم في الدور المناسب لهأ. ورغم الأسماء القوية ما سمعناش عن أي مشكلات او خناقات بين النجوم في الكواليس وحسينا على الشاشة اد ايه الجميع متكاتف لنجاح الفيلم.
من الحاجات المميزة كمان في الفيلم اللي اخرجه وألفه جاري روس الديكورات والموسيقى التصويرية القوية والمميزة واللي لمسنا توظيفها بشكل ناجح ومميز علشان يخرج الفيلم في النهاية بشكل كويس وقصة مترابطة وسيناريو قادر ينقلنا بين تفاصيله بسهولة وبدون ملل.
وأخيرا بننصح المشاهدين بالتركيز في أحداث الفيلم علشان تفهموا الأحداث كويس وما تتوهوش لأن الأحداث سريعة ومتدفقة من بداية الفيلم لنهايته.
علشان تبقى عارف:
تعاونت النجمتان (كيت بلانشيت) و(سارة بولسون) من قبل في فيلم (Carol).
