Paul, Apostle of Christ: إيمان وتضحية بلا حدود

السؤال الأهم اللي سألناه لنفسنا أثناء مشاهدة فيلم Paul, Apostle of Christ هو ايه اللي ممكن الواحد يضحي بيه علشان ايمانه؟ وايه المخاطرة اللي ممكن يقوم بيها علشان يعمل اللي مؤمن بيه فعلا؟

القصة

Paul, Apostle of Christ بيحكي عن علاقة صداقة بين لوقا وبول، الأول طبيب بيسعى لكتابة كتاب مهم جدا، والثاني واحد من تلاميذ المسيح، والمحتجز في سجن مشهور بتعذيبه للمؤمنين. هل هايقدر لوقا يكتب كتابه؟ وايه اللي هايضحي بيه علشان يوصل لهدفه؟

فريق العمل

بطولة جيم كافيزيل بطل فيلم (The Passion of the Christ) وجيمس فولكنير، وأوليفر مارتينيز، وجون لينيش، ويورغوس كاراميهوس الذي شارك في (Ben-Hur) وهو من إخراج أندرو يات مخرج فيلم (The Frozen).

الأداء التمثيلي

الأداء التمثيلي كان قوي ومميز الى اقصى درجة. والسبب في ده أن معظم فريق عمل الفيلم شاركوا قبل كده في أعمال تانيه لها علاقة بحياة السيد المسيح، وبشكل عام قدرنا نشعر بقدرة فريق العمل على تقمص شخصياتهم وانفعالهم بها وأدائهم لها كأفضل ما يكون.

السيناريو والحوار والأخراج

سيناريو الفيلم تميز بالقوة والأحكام والقدرة على تقديم سلسلة من الأحداث المتعاقبة بشكل مميز بدون ما يشعر المشاهدين بالملل، وأخراج الفيلم تميز بالتركيز على مسألة الفداء والتضحية والسعي وراء الهدف وبذل الغالي والثمين من أجله.

الديكورات والموسيقى والأزياء

ديكورات الفيلم كانت مميزة وقدرت تنقلنا بصريا لزمن الأحداث، وتفاعلت مع الموسيقى اللي كانت بتتحرك بحذر على طول الخيط الدرامي للأحداث علشان تنقلنا لزمن أحداث الفيلم، وده اللي نجحت فيه في النهاية.

الخلاصة

Paul, Apostle of Christ فيلم جميل وهايعجب كل صاحب ايمان وبيحاول يوصل لهدفه مهما كانت الظروف صعبة.

علشان تبقى عارف:

تقييم الفيلم على موقع IMDB 7.1 من 10