Ralph Breaks the Internet : عالم الانترنت من الداخل بشكل بسيط
من 6 سنوات وتحديدا في 2012 تم تقديم فيلم الانيميشن المميز Wreck-It Ralph للسينمات. والحقيقة أن الفيلم قدر يحقق نجاح ملحوظ، وحاز على إعجاب المشاهدين والنقاد على حد سواء. وكان من مميزاته انه مناسب لمشاهدة الكبار والصغار على حد سواء.
ولأن هوليود من عادتها تعيد تقديم أفلامها الناجحة، بيتم تقديم الجزء الثاني من نفس السلسلة تحت عنوان Ralph Breaks the Internet. لكن هل هايقدر الفيلم يحقق نفس النجاح المتوقع له؟ تعالوا نتعرف أكتر على الفيلم.
Ralph Breaks the Internet بيحكي عن مغامرة (رالف) اللي بيقوم بالأداء الصوتي لشخصيته جون سي رايلي و اللي بيجد مع صديقته (فانلوبي) – بيجسد صوت الشخصية ساره سيلفر مان- راوتر أنترنت بيدخلهم لعالم مختلف جدا وواسع الى اقصى حد. بيمثل الأنترنت من الداخل.
من أكتر الحاجات اللي لفتت أنتباهنا للفيلم هي طريقة تحويل القصة والسيناريو اللي كتبه فيل جونستون و باميلا ريبون الى أحداث مرئية على الشاشة. وهنا يرجع الفضل للمخرج فيل جونستون – اللي شارك في كتابة الفيلم – علشان يقدر يحول لنا القصة لأنيميشن ملىء بالحياة والألوان والحركة. كمان الفيلم قدر يقدم تخيل لعالم الأنترنت من الداخل جديد ومميز الى اقصى درجة.
وجاء الأداء الصوتي علشان يخلي الفيلم أجمل. بنشوف جون سي رايلي في شخصية رالف. رغم انشغال جدوله بتسجيل صوته لمسلسل زي Disney Infinity و لعبة الفيديو Sonic & All-Stars Racing Transformed كمان لا يمكن ننسى دور ساره سيلفرمان في دور فانلوبي واللي قدرت هي كمان تقدم أداء صوتي قوي ومتميز ومتناسب مع الشخصية الكارتونية اللي بتقدمها.
فيلم Ralph Breaks the Internet من أفلام الأنيميشن الجيدة والمناسبة للكبار والصغار على حد سواء. وبيغوص بينا في كواليس الأنترنت والأفلام وبيقدم لنا أحداث كوميدية ومتفجرة بالحركة والانسيابية.
