Ready Player One: فيلم مميز لعشاق الخيال العلمي

Ready Player One يعتبر واحد من أكتر أفلام الخيال العلمي انتظارا في 2018 مش بس بسبب الأسماء الكبيرة القائمة على اخراج الفيلم وتمثيله، لكن كمان بسبب قصته الجديدة والمختلفة والمميزة. تعالوا نتعرف أكتر على الفيلم وقصته

القصة

Ready Player One بيحكي عن شاب بيجد نفسه في المستقبل القريب لكوكب الأرض. كل شيء صعب ومخيف، ماعدا لعبة واقع افتراضى اسمها (الواحة) بيقدر فيها اللاعب انه يكون أي شخصية هو عاوزها، وبيضطر صاحبنا للهروب لعالم اللعبة ومن هناك بيعرف أن مصمم اللعبة الملياردير قرر يترك ثروته كلها للي يوصل لمستوى معين في اللعبة. هل هايقدر بطلنا يوصل للمرحلة دي؟

فريق العمل

الفيلم من اخراج ستيفن سبيلبرج المخرج العالمي، واقتباسا عن رواية  إرنست كلاين اللي كتب لها السيناريو زاك بين أما البطولة فكانت من نصيب  تاى شريدان و أوليفيا كوك و بين مينديلسون و هانا-جون كامين

الأداء التمثيلي

الأداء التمثيلي لكل أبطال الفيلم كان قوي ومميز جدا، والمميز في الأداء التمثيلي كان فهم كل واحد من الشخصيات للأبعاد اللي بيقدمها، وقدرته على تقديمها بدون تحيز أو مبالغة، وكان واضح احترافية ستيفن سبيلبرج وقدرته على توجيه ممثليه بأعلى قدر ممكن من الاحترافية والذكاء.

السيناريو والحوار والأخراج

سيناريو الفيلم مميز وغير ممل على العكس من بعض أفلام سبيلبرج الأخرى، كمان الحوار في الفيلم على الرغم من هدوءه كان قوي وكل جملة حوارية كان لها أهمية ودور مهم وكبير في الأحداث، أما الأخراج لستيفن سبيلبرج فجاء زي قطعة الكريز على رأس التورته… اخراج هادئ ومتمكن ومختلف عن كثير من الأساليب الأخراجية لمخرجين أخرين.

الديكورات والموسيقى والأزياء

ديكورات الفيلم كانت مميزة جدا وتضافرت مع الموسيقى التصويرية والخدع السينمائية علشان تنقلنا لعالم المستقبل بنجاح وقوة

الخلاصة

Ready Player One واحد من احسن أفلام الخيال العلمي اللي شوفناها مؤخرا وندعو محبي النوع ده من الأفلام أنهم يتفرجوا على الفيلم.

علشان تبقى عارف:

كان النجم (مايكل كيتون) من المرشحين لأداء دور (J.D Halliday).